အိၣ်မူဒ် ခရံာ်ဖိအသိး
ပာ်ဖှိၣ်မၤသကိးတၢ်လၢ တၢ်စံၣ်တဲၤတဲလီၤတၢ်လၢ ဟီၣ်ကဝီၤလၢပှၤကတိၤကျိာ်အါမးအပူၤ
ပှၤဟီၣ်ခိၣ်ဖိတဖၣ်န့ၣ် အဝဲသ့ၣ်မ့ၢ်နၢ်ဟူဘၣ်ဝဲ တၢ်သးခုကစီၣ်လၢ အနီၢ်ကစၢ်အကျိာ်န့ၣ် တူၢ်လိာ်ဝဲညီလီၤ. ဖဲ ခ.န ၃၃ ဘူၣ်ယဲၢ်ဆံအနံၤ ‘ပှၤယူဒၤဖိလၢ အယူးယီၣ်ယွၤ လၢအဟဲလၢပှၤကိးကလုာ်ဒဲး လၢအအိၣ်လၢမူခိၣ်အဖီလာ်အကျါ’ တဖၣ်န့ၣ် ဘၣ်သ့ၣ်သ့ၣ် အဝဲသ့ၣ်ကနၢ်ပၢၢ် ဧ့ၤဘြံၤကျိာ် မ့တမ့ၢ် ကြံးကျိာ်လီၤ. ဘၣ်ဆၣ် ယဟိဝၤယွၤ ရဲၣ်ကျဲၤဝဲဒ်သိးအဝဲသ့ၣ် ကနၢ်ဟူဘၣ် တၢ်သးခုကစီၣ်လၢ ‘အအိၣ်ဖျဲၣ်ထီၣ်အကလုၢ် [အနီၢ်ကစၢ်အကျိာ်]’ လီၤ. (မၤတၢ်. ၂:၅, ၈) မုၢ်မဆါတနံၤအံၤ ဟီၣ်ကဝီၤလၢ ပှၤကတိၤကျိာ်အိၣ်အါမးအပူၤန့ၣ် အိၣ်ဒီးတၢ်အိၣ်ဖှိၣ်လၢ ပှၤမၤအီၤလၢကျိာ်လီၤဆီလိာ်အသးန့ၣ်လီၤ. တၢ်အိၣ်ဖှိၣ်တဖၣ်အံၤ အတၢ်စံၣ်တဲၤတဲလီၤတၢ် ဟီၣ်ကဝီၤန့ၣ် ကလီၤဂာ်လိာ်အသးလီၤ. လၢတၢ်န့ၣ်အဃိ ဒ်သိးပှၤစံၣ်တဲၤတဲလီၤတၢ်ဖိတဖၣ် သုတနုာ်လီၤဘၣ်လၢဟံၣ်တဖျၢၣ် ခဲအံၤခဲအံၤ ဒီးမၤတံာ်တာ်ဟံၣ်ကစၢ်အသးတဂ့ၤအဂီၢ် တၢ်အိၣ်ဖှိၣ်တဖၣ် ပာ်ဖှိၣ်မၤသကိးတၢ်ကသ့ဒ်လဲၣ်.
တၢ်တၢၣ်ပီၣ်တၢၣ်ပီလိာ်သး (ကတိၤ. ၁၅:၂၂)– ပှၤလၢအကွၢ်ထွဲ တၢ်စံၣ်တဲၤတဲလီၤတၢ်မၤတဖၣ် ကဘၣ်ပာ်ဖှိၣ်ထီၣ်အသးဒီး တၢၣ်ပီၣ်တၢၣ်ပီလိာ်အသး ဒ်သိးတၢ်စံၣ်တဲၤတဲလီၤ တၢ်သးခုကစီၣ်တၢ်မၤ အတၢ်ရဲၣ်တၢ်ကျဲၤ ကလဲၤအသးဘၣ်ဘျီးဘၣ်ဒါအဂီၢ်လီၤ. တၢ်အိၣ်ဖှိၣ်လၢအကတိၤကျိာ်အဂၤတဖၣ် အတၢ်စံၣ်တဲၤတဲလီၤတၢ် ဟီၣ်ကဝီၤ မ့ၢ်တအိၣ်အါအါဘၣ်န့ၣ် အဝဲသ့ၣ်ကအဲၣ်ဒိးလၢ ပှၤကလဲၤကပာ်ကွံာ် ဟံၣ်လၢအတဲအဝဲသ့ၣ်အကျိာ်န့ၣ်လီၤ. ဘၣ်ဆၣ် ဟီၣ်ကဝီၤလၢအလဲၢ်တဖၣ်န့ၣ် အဝဲသ့ၣ်တအဲၣ်ဒိးလၢ ပှၤကလဲၤကပာ်ကွံာ် ဟံၣ်လၢအကတိၤအဝဲသ့ၣ်အကျိာ်န့ၣ်ဘၣ်. ဘၣ်ဆၣ် ပမ့ၢ်ထံၣ်ဒီး ပှၤလၢအသးအိၣ်တၢ်မ့ၢ်တၢ်တီလၢ အတဲအဝဲသ့ၣ်အကျိာ်န့ၣ် အဝဲသ့ၣ်အဲၣ်ဒိးလၢ ပကဒုးသ့ၣ်ညါအီၤလီၤ. (od-E 93 ¶37) မ့တမ့ၢ် အဝဲသ့ၣ်ကဃ့ဝဲလၢ နတၢ်အိၣ်ဖှိၣ်ကမၤစၢၤအဝဲသ့ၣ် ဒ်သိးနမ့ၢ်ထံၣ်ပှၤလၢအသးအိၣ်တၢ်မ့ၢ်တၢ်တီန့ၣ် နကဘၣ်ဟ့ၣ် အမံၤဒီးအတၢ်အိၣ်တၢ်ဆိးအလီၢ်န့ၣ်လီၤ. (km-E 7/12 5, box) တဘျီတခီၣ် လၢဟံၣ်တဖျၢၣ်ဃီအပူၤန့ၣ် ကအိၣ်ဒီးပှၤကတိၤကျိာ်အကလုာ်ကလုာ်လီၤ. ဖဲပှၤမၤတၢ်ရဲၣ်တၢ်ကျဲၤလၢ တၢ်စံၣ်တဲၤတဲလီၤတၢ်လၢ ဟီၣ်ကဝီၤအဂီၢ်အခါ ကြၢးမၤထွဲဒ် ထံကီၢ်ပဒိၣ်ပပှၢ်အတၢ်ဘျၢအသိးလီၤ.
တၢ်ပာ်ဖှိၣ်မၤသကိးတၢ် (အ့း. ၄:၁၆)– တၢ်ဟံးစုနဲၣ်ကျဲလၢ နဒိးန့ၢ်ဘၣ်လၢ ပှၤလၢအကွၢ်ထွဲ တၢ်စံၣ်တဲၤတဲလီၤတၢ်မၤအအိၣ်န့ၣ် မၤထွဲအီၤလီၤတံၢ်လီၤဆဲးတက့ၢ်. နမၤလိလံာ်စီဆှံဒီး ပှၤလၢအကတိၤကျိာ်အဂၤန့ၣ်ဧါ. နမ့ၢ်ဟ့ၣ်က့ၤ နပှၤမၤလိလံာ်စီဆှံအံၤလၢ တၢ်အိၣ်ဖှိၣ် မ့တမ့ၢ် ကရူၢ်လၢ ပှၤမၤလၢအဝဲအကျိာ်န့ၣ် အဝဲကလဲၤထီၣ်လဲၤထီချ့ချ့လီၤ.
တၢ်ကတဲာ်ကတီၤဆိပာ် (ကတိၤ. ၁၅:၂၈; ၁၆:၁)– နမ့ၢ်ထံၣ်ဘၣ်ဒီး ဟံၣ်ကစၢ်လၢကတိၤကျိာ်အဂၤန့ၣ် ဂုာ်ကျဲးစၢးဒ်သိး နကတဲပၠးအီၤတၢ်သးခုကစီၣ်အဂီၢ်တက့ၢ်. လၢနဟီၣ်ကဝီၤအပူၤ နကထံၣ်ဘၣ်ဒီး ပှၤလၢအကတိၤကျိာ်အဂၤမနုၤတဖၣ်လဲၣ်န့ၣ် ဆိကမိၣ်ဆိပာ်တက့ၢ်. ဒီလိးပာ် လံာ်စီဆှံ, လံာ်လဲၢ် ဒီးတၢ်ဂီၤမူတဖၣ်တက့ၢ်. သူ JW Language app ဒီးကၠီးလိပာ်နသး ဒ်သိးနဆၢဂ့ၤဆၢဝါ အဝဲသ့ၣ်လၢ အကျိာ်ကသ့အဂီၢ်တက့ၢ်.