အိၣ်မူဒ် ခရံာ်ဖိအသိး
တၢ်အဲၣ်နီၢ်နီၢ်န့ၣ် မ့ၢ်မနုၤလဲၣ်
ယဟိဝၤယွၤ ဒုးအိၣ်ထီၣ်ဝဲ တၢ်ဆီဟံၣ်ဆီဃီဒီး အဲၣ်ဒိးဝဲလၢ ပှၤနီၢ်ဒီမိဝၤခံဂၤ ကတီလိာ်အသးတစိၤသးလီၤ. (၁ မိၤ. ၂:၂၂-၂၄) တၢ်မၤကတၢၢ်ကွံာ် တၢ်ဆီဟံၣ်ဆီဃီန့ၣ် သ့ဝဲထဲ လၢတၢ်မၤကမၣ်မုၣ်ကမၣ်ခွါအဃိန့ၣ်လီၤ. (မၤ. ၂:၁၆; မ. ၁၉:၉) ယဟိဝၤယွၤ အဲၣ်ဒိးဝဲလၢ တၢ်ဆီဟံၣ်ဆီဃီန့ၣ် ကပှဲၤဒီးတၢ်သူၣ်ခုသးခု, အဃိအဝဲဟ့ၣ်လီၤတၢ်ဟံးစုနဲၣ်ကျဲ ဒ်သိးကမၤစၢၤဝဲခရံာ်ဖိတဖၣ် လၢကဃုထၢဝဲ အသးသမူတံၤသကိးလၢ တၢ်ကူၣ်သ့အပူၤ ဒီးဒ်သိးကအိၣ်ဒီးဟံၣ်မုာ်ဃီပၢၤထီဘိအဂီၢ်လီၤ.—စံၣ်. ၅:၄-၆.
ကွၢ်တၢ်ဂီၤမူလၢအမ့ၢ် တၢ်အဲၣ်နီၢ်နီၢ်န့ၣ် မ့ၢ်မနုၤလဲၣ် (WHAT IS TRUE LOVE?) ဒီးစံးဆၢတၢ်သံကွၢ်လၢလာ်အံၤတက့ၢ်–
ဖဲ ဖရ့ၣ် ဒီး ဘီနံၤ ဟ့ၣ်ကူၣ် အဖိမုၣ် လံး(စ်) အခါ ဘၣ်မနုၤအဃိ ပတဲသ့လၢ အဝဲသ့ၣ် အိၣ်ဒီးတၢ်ကူၣ်သ့ဒီး တၢ်အဲၣ်တၢ်ကွံလဲၣ်.
ဖဲနပာ်တၢ်အဲၣ်တီအခါ နမ့ၢ်ဆိကမိၣ်လၢ နဆီတလဲပှၤတဂၤသ့န့ၣ် ဘၣ်မနုၤအဃိ တမ့ၢ်တၢ်လၢအိၣ်ဒီးတၢ်ကူၣ်သ့လဲၣ်.
ဖီ(လ်) ဒီး ဖြံၤစံလၤ ဟ့ၣ်ကူၣ် လံး(စ်) ဒ်လဲၣ်.
ဘၣ်မနုၤအဃိ တၢ်ဂ့ၢ်ကီအိၣ်ထီၣ်လၢ စဲး(ခ်) ဒီး မဲကၢၤ အတၢ်ဆီဟံၣ်ဆီဃီအပူၤန့ၣ်လဲၣ်.
ကၠီ(န်) ဒီး လံး(စ်) အနီၢ်သးဖီတၢၣ် လီၤဂာ်လိာ်အသးဒ်လဲၣ်.
တချုးလၢ ပဆီဟံၣ်ဆီဃီဒီး ပှၤတဂၤဒံးဘၣ်န့ၣ် ဘၣ်မနုၤအဃိ ပကြၢးဃုသ့ၣ်ညါ တၢ်အိၣ်လၢအဝဲအ “သူၣ်ကံၢ်သးလဲ” အပူၤလဲၣ်. (၁ ပ့း. ၃:၄, ခ့ခါစှီၤကျိာ်)
တၢ်အဲၣ်နီၢ်နီၢ်န့ၣ်မ့ၢ်မနုၤလဲၣ်. (၁ ကရံၣ်. ၁၃:၄-၈)