သ့ၣ်နီၣ်ထီၣ်က့ၤ စီၤလိာ်အမါ

ဖဲစီၤလိာ်အမါ ဃ့ၢ်ထီၣ်ကွံာ်လၢ ဝ့ၢ်စဒိၣ်အခါ ဘၣ်မနုၤအဃိ ကွၢ်ကဒါက့ၤဆူအလီၢ်ခံလဲၣ်န့ၣ်​ လံာ်စီဆှံတပာ်ဖျါဝဲဘၣ်. (၁ မိၤ. ၁၉:၁၇, ၂၆) သနာ်က့ ပမ့ၢ်ကွၢ် ယ့ၣ်ၡူး အတၢ်ကတိၤန့ၣ်​ ပသ့ၣ်ညါဘၣ်လၢ ဘၣ်သ့ၣ်သ့ၣ်​ အဝဲကလီကီထွဲက့ၤ တၢ်လၢအပာ်တ့ၢ်ဝဲသ့ၣ်တဖၣ်အဃိလီၤ. (လူၤ. ၁၇:၃၁, ၃၂) ဒ်သိးပသုတကဲထီၣ်​ ဒ်စီၤလိာ်အမါတဂ့ၤအဂီၢ် ပကဘၣ်မၤဒ်လဲၣ်. ပတဘၣ်ပာ်ဆိ ဟီၣ်ခိၣ်တၢ်သူၣ်လီသးကွံတဖၣ်လၢညါဘၣ်. (မး. ၆:၃၃) ယ့ၣ်ၡူးသိၣ်လိဝဲလၢပမၤ “ကစၢ်ယွၤအတၢ်မၤ ဒီးကျိၣ်စ့အတၢ်မၤခံမံၤလၢာ်တသ့ဘၣ်.” (မး. ၆:၂၄, ခ့ခါစှီၤကျိာ်) ဘၣ်ဆၣ်​ ပမ့ၢ်တူၢ်ဘၣ်လၢ ဟီၣ်ခိၣ်တၢ်သူၣ်လီသးကွံတဖၣ်​ မၤတံာ်တာ်ပတၢ်အိၣ်မူလၢ နီၢ်သးတခီလံန့ၣ်​ ပကဘၣ်မၤဒ်လဲၣ်. ပကဘၣ်ဃ့ဘါထုကဖၣ်ဆူ ယဟိဝၤယွၤအအိၣ်​ ဒ်သိး ပကသ့ၣ်ညါလီၤပသးလၢ ပကဘၣ်ဆီတလဲ ပတၢ်အိၣ်မူဒ်လဲၣ်ဒီး ဒ်သိးပကအိၣ်ဒီး တၢ်သူၣ်ဒူသးဒူဒီး တၢ်ဂံၢ်တၢ်ဘါလၢ ပမၤအီၤကန့ၢ်အဂီၢ်လီၤ.

ကွၢ်တၢ်ဂီၤမူလၢ အခိၣ်တီမ့ၢ် သ့ၣ်နီၣ်ထီၣ်က့ၤ စီၤလိာ်အမါ လၢအိၣ်ဝဲသၢကူာ်, ဒီးစံးဆၢတၢ်သံကွၢ်လၢလာ်တဖၣ်အံၤတက့ၢ်–

• 

  ကျိရံယၤ ဘၣ်တၢ်ဆီၣ်သနံးအီၤ လၢကဃုအါထီၣ်ကျိၣ်စ့အဂီၢ်န့ၣ်​ အိၣ်ဖျါလၢ အတၢ်ဆိကမိၣ်, အတၢ်ကတိၤ ဒီးအတၢ်မၤတဖၣ်ဒ်လဲၣ်.

• မုၢ်မဆါတနံၤအံၤ စီၤလိာ်အမါအဒိအတဲာ်န့ၣ်​ ကဲထီၣ်တၢ်ဟ့ၣ်ပလီၢ်လၢပဂီၢ်ဒ်လဲၣ်.

• လံာ်စီဆှံ အတၢ်ဟံးစုနဲၣ်ကျဲ ကဲထီၣ်တၢ်မၤစၢၤလၢ ကၠိ အဟံၣ်ဖိဃီဖိတဖၣ်အဂီၢ်ဒ်လဲၣ်.

• အဲနၤ ရ့လိာ်အသးဒီး အတံၤသကိးလၢတၢ်မၤလီၢ်အဃိ မၤဘၣ်ဒိအနီၢ်သးဒ်လဲၣ်.

• လၢပတၢ်အိၣ်မူအပူၤ ပမ့ၢ်ဘၣ်တၢ်ဆီၣ်သနံးပှၤလၢ ပကဃုဆိ ကျိၣ်စ့လၢညါန့ၣ်​ ဘၣ်မနုၤအဃိ ပလိၣ်ဘၣ်​ တၢ်သူၣ်ဒူသးဒူလဲၣ်.

• ဘြါယၢၤ ဒီးကျိရံယါ ပာ်ဆိက့ၤ နီၢ်သးအတၢ်ဖံးတၢ်မၤတဖၣ်လၢညါဒ်လဲၣ်.

• လၢတၢ်ဂီၤမူအံၤအပူၤ နထံၣ်ဘၣ်​ လံာ်စီဆှံ အတၢ်ဟံးစုနဲၣ်ကျဲမနုၤသ့ၣ်တဖၣ်လဲၣ်.