အိၣ်မူဒ် ခရံာ်ဖိအသိး
လ့ၣ်ဆီၣ်လၢ တၢ်စံၣ်တဲၤတဲလီၤတၢ်လၢ ဟီၣ်ခိၣ်ဒီဘ့ၣ်န့ၣ် ကဲဘျုးဝဲဒိၣ်မး
မၤတၢ် အဆၢဒိၣ် ၅ ပာ်ဖျါထီၣ်ဝဲလၢ ခရံာ်ဖိလၢတၢ်မၢဖိအစိၤတဖၣ် ဒ်သိးကစံၣ်တဲၤတဲလီၤတၢ်အဂီၢ် လဲၤဝဲလၢပှၤအိၣ်အါအလီၢ် ဒ်သိးဒီး တၢ်လုၢ်ဟံၣ်အပူၤန့ၣ်လီၤ. (မၤတၢ်. ၅:၁၉-၂၁, ၄၂) မုၢ်မဆါတနံၤအံၤစ့ၢ်ကီး ပသူလ့ၣ်ဆီၣ် ဒီးစံၣ်တဲၤတဲလီၤတၢ်လၢ ကမျၢၢ်အမဲာ်ညါန့ၣ် ကဲဘျုးဒိၣ်မးလီၤ.
ကွၢ်တၢ်ဂီၤမူလၢအမ့ၢ် လ့ၣ်ဆီၣ်လၢတၢ်စံၣ်တဲၤတဲလီၤတၢ်လၢ ဟီၣ်ခိၣ်ဒီဘ့ၣ်န့ၣ် ကဲဘျုးဝဲဒိၣ်မး ဝံၤစံးဆၢတၢ်သံကွၢ်တဖၣ်အံၤတက့ၢ်–
လ့ၣ်ဆီၣ်လၢ တၢ်စံၣ်တဲၤတဲလီၤတၢ်အဂီၢ်န့ၣ် ဘၣ်တၢ်စးထီၣ်အီၤလၢ ဆၢကတီၢ်ဖဲလဲၣ် ဒီးပှၤမၤအီၤဒ်လဲၣ်.
လ့ၣ်ဆီၣ်န့ၣ် ကဲဘျုးအါန့ၢ် စီၢ်နီၤခိၣ်ဒ်လဲၣ်.
ပဟံးန့ၢ်တၢ်မၤလိလၢ မံယီယူၤ အတၢ်လဲၤခီဖျိကသ့ဒ်လဲၣ်.
လ့ၣ်ဆီၣ်လၢ တၢ်စံၣ်တဲၤတဲလီၤတၢ်အဂီၢ် ကဲဘျုးဝဲန့ၣ် ကၠဲးခီး စလိမံၤ အတၢ်လဲၤခီဖျိ ပာ်ဖျါထီၣ်ဝဲဒ်လဲၣ်.
ပသူလ့ၣ်ဆီၣ်ဒီး စံၣ်တဲၤတဲလီၤတၢ် ဂ့ၤဂ့ၤကသ့ဒ်လဲၣ်န့ၣ် အါနံၤ(စ်) ဒီးအဝၤ အတၢ်လဲၤခီဖျိသိၣ်လိပှၤဒ်လဲၣ်.