ပသူလ့ၣ်ဆီၣ်ဒီးစီၢ်နီၤခိၣ်လၢ တၢ်စံၣ်တဲၤတဲလီၤတၢ်အဂီၢ်ကသ့ဒ်လဲၣ်

တၢ်သူလ့ၣ်ဆီၣ်မ့တမ့ၢ်စီၢ်နီၤခိၣ်လၢ တၢ်စံၣ်တဲၤတဲလီၤတၢ်အဂီၢ်န့ၣ် မ့ၢ်ကျဲလၢအဂ့ၤတဘိလၢအထုးန့ၢ်ပှၤသူၣ်တီသးလိၤတဖၣ်ဆူ တၢ်မ့ၢ်တၢ်တီအပူၤလီၤ. (ယိၤဟၣ် ၆:၄၄) လၢတၢ်န့ၣ်အဃိ တၢ်အိၣ်ဖှိၣ်သးပှၢ်တဖၣ်န့ၣ် ဘၣ်တၢ်ဟ့ၣ်ဂံၢ်ဟ့ၣ်ဘါအီၤဒ်သိး ကရဲၣ်လီၤကျဲၤလီၤဝဲ တၢ်စံၣ်တဲၤတဲလီၤတၢ်လၢကမျၢၢ်မဲာ်ညါ ဖဲပှၤလ့ၢ်ထီၣ်လ့ၢ်လိၤအါအလီၢ်လၢ အဝဲသ့ၣ်အတၢ်အိၣ်ဖှိၣ် အတၢ်စံၣ်တဲၤတဲလီၤတၢ်ဟီၣ်ကဝီၤပူၤန့ၣ်လီၤ. တၢ်လၢလ့ၣ်ဆီၣ်န့ၣ် ပှၤသုးအီၤသ့အဃိ အါတက့ၢ်ပတလိၣ်ဃ့အခွဲးလၢ ပဒိၣ်အအိၣ်ဘၣ်. မတၤကတုၤထီၣ်ထီၣ်ဘးလၢ ကပၣ်ဃုာ်လၢ တၢ်မၤအံၤလဲၣ်. ပှၤလၢအကွၢ်ထံဆိကမိၣ်တၢ်သ့ဂ့ၤဂ့ၤ, အိၣ်ဒီးတၢ်ယူးယီၣ်ပာ်ကဲ ဒီးပှၤလၢရ့ဒီးပှၤဂၤသ့ဂ့ၤဂ့ၤန့ၣ် ပၣ်ဃုာ်ဝဲသ့လီၤ. တၢ်လၢပကဘၣ်မၤဒီး တၢ်လၢပကဘၣ်ဟးဆှဲးအီၤလၢ လာ်အံၤန့ၣ် ကမၤစၢၤပှၤဒ်သိး ပတၢ်စံၣ်တဲၤတဲလီၤတၢ်လၢ ကမျၢၢ်မဲာ်ညါကကဲထီၣ်လိၣ်ထီၣ်အဂီၢ်လီၤ.

တၢ်လၢပကဘၣ်မၤ-

သးအိၣ်မၤစၢၤ ပှၤလ့ၢ်ထီၣ်လ့ၢ်လိၤတဖၣ်တက့ၢ်. ပှၤစံၣ်တဲၤတဲလီၤတၢ်ဖိတဖၣ်လၢ အဒိးန့ၢ်ဘၣ်မူဒါန့ၣ်အဝဲသ့ၣ်အိၣ်ဒီး တၢ်သူၣ်အိၣ်သးအိၣ်ပှၤဂၤ ဒီးတူၢ်လိာ်ခီၣ်ဆၢပှၤလၢ တၢ်မဲာ်မုာ်နါဆၢန့ၣ်လီၤ. ပှၤတဂၤဂၤမ့ၢ်ဟဲဘူးထီၣ်လၢ လ့ၣ်ဆီၣ်အကပၤန့ၣ် တဲအီၤလၢ “လံာ်လၢနသးလီတဘ့ၣ်ဘ့ၣ်န့ၣ် နဟံးန့ၢ်အီၤသ့လီၤ.”
ဆၢထၢၣ်ယံၤဒီး လ့ၣ်ဆီၣ်တစဲးတက့ၢ်. တၢ်လီၢ်တနီၤန့ၣ် ပှၤစံၣ်တဲၤတဲလီၤတၢ်ဖိတဖၣ် ဆၢထၢၣ်မ့ၢ်ယံၤဒီးလ့ၣ်ဆီၣ် သၢပ့ၣ်လွံၢ်ပ့ၣ်န့ၣ် အဝဲသ့ၣ်အတၢ်မၤ ကဲထီၣ်လိၣ်ထီၣ်ဝဲလီၤ. ဘၣ်ဆၣ်ပှၤဂၤတနီၤ ထံၣ်ဘၣ်ဝဲလၢ အဝဲသ့ၣ်ဆၢထၢၣ်မ့ၢ်ယံၤဒီးလ့ၣ်ဆီၣ် ထဲသၢပ့ၣ်လွံၢ်ပ့ၣ်န့ၣ် ပှၤလ့ၢ်ထီၣ်လ့ၢ်လိၤတဖၣ် အသးဘၣ်တံာ်တာ်လၢ ကဟဲသုးဘူးအသးဆူ လ့ၣ်ဆီၣ်အကပၤန့ၣ်လီၤ. လၢတၢ်န့ၣ်အဃိ အဝဲသ့ၣ်ဘၣ်ဆၢထၢၣ်ယံၤထီၣ်ဒီးလ့ၣ်ဆီၣ်တစဲး ဒီးဘၣ်အိၣ်ခိးဝဲတုၤလၢ ပှၤတဂၤဂၤဟဲတုၤလၢ လ့ၣ်ဆီၣ်အကပၤန့ၣ်လီၤ. ပှၤတဂၤမ့ၢ်ဟဲတုၤလၢ လ့ၣ်ဆီၣ်ကပၤန့ၣ် ဂုာ်ကျဲးစၢးစးထီၣ်ကတိၤတၢ်ဒီးအီၤတက့ၢ်. ဒီးသံကွၢ်အီၤလၢ “လၢညါန့ၣ် နဆိကမိၣ်ဘၣ် တၢ်သံကွၢ်အံၤတဘျီဘျီဧါ” န့ၣ်တက့ၢ်.
မ့ၢ်သ့န့ၣ် သူလံာ်စီဆှံတက့ၢ်.
ပှၤတဂၤလၢ်လၢ်လၢအဟံးန့ၢ်ဝဲ လံာ်လဲၢ်လၢတၢ်မၤလိလံာ်စီဆှံအဂီၢ် ဒ်သိးဒီးလံာ်စီဆှံသိၣ်လိတၢ် နီၢ်နီၢ် မ့ၢ်မနုၤလဲၣ်န့ၣ် တဲနၢ်ပၢၢ်အဝဲသ့ၣ်ဘၣ်ဃးဒီး ပတၢ်မၤလိလံာ်စီဆှံ အတၢ်ရဲၣ်တၢ်ကျဲၤအဂ့ၢ်တက့ၢ်. ဒီးတဲအီၤလၢနအဲၣ်ဒိးဒုးနဲၣ်အီၤတၢ်ဂီၤမူလၢ ဘၣ်နမနုၤအဃိ ဘၣ်မၤလိလံာ်စီဆှံလဲၣ် လၢနလီတဲစိ မ့တမ့ၢ်ထဲးဘလဲးအပူၤတက့ၢ်.
မ့ၢ်သ့န့ၣ်ကွဲးနီၣ်ပာ် ပှၤလၢအသးအိၣ်တၢ်မ့ၢ်တၢ်တီတဖၣ် အဂ့ၢ်အကျိၤတက့ၢ်. ပှၤလၢအသးအိၣ်တၢ်မ့ၢ်တၢ်တီတဂၤ မ့ၢ်တအိၣ်လၢန တၢ်စံၣ်တဲၤတဲလီၤတၢ်ဟီၣ်ကဝီၤအပူၤဘၣ်န့ၣ် မၤပှဲၤလံာ်က့ဖိလၢအမ့ၢ် ကျေးဇူးပြု၍ဆက်လိုက်ပေးပါ (S-43) ဒီးဟ့ၣ်နဲၣ်ရွဲၣ်တဂၤ လၢအဆိအချ့တက့ၢ်.

တၢ်လၢပကဘၣ်ဟးဆှဲး-

ပတဘၣ်ပာ်ပမဲာ်သၣ် အုၣ်တပျုာ်, ပတဘၣ်ကိးဆူၣ်ပှၤဂၤ ဒီးပတဘၣ်ဆၢထၢၣ်လၢလ့ၣ်ဆီၣ်အကပၤ ဒ်ပှၤခိးတၢ်ဖိအသိးဘၣ်.
တၢ်စံၣ်တဲၤတဲလီၤတၢ်လၢ ကမျၢၢ်မဲာ်ညါန့ၣ် တမ့ၢ်ထဲတၢ်နီၤလီၤလံာ်လဲၢ်အဂီၢ်ဘၣ်. ဖဲပစံၣ်တဲၤတဲလီၤတၢ်အခါ ပဖီတၢၣ်န့ၣ် မ့ၢ်လၢပကစးထီၣ် တၢ်မၤလိလံာ်စီဆှံဒီးပှၤဂၤအဂီၢ်အဃိ ကြၢးလၢပဂုာ်ကျဲးစၢး စးထီၣ်ကတိၤတၢ်ဒီးပှၤဂၤန့ၣ်လီၤ.
ပတဘၣ်ဆၢထၢၣ်လၢ လ့ၣ်ဆီၣ်မ့တမ့ၢ်စီၢ်နီၤခိၣ်အမဲာ်ညါဘၣ်. ပတဘၣ်ကတိၤသကိးတၢ်တုၤဒၣ်လဲာ် ပပာ်သူၣ်ပာ်သးပှၤဂၤ တချုးဘၣ်န့ၣ်ဘၣ်. နနီၢ်ကစၢ်တၢ်ဂ့ၢ်တၢ်ကျိၤ မ့ၢ်အိၣ်ထီၣ်လၢနကဘၣ်သူ လီတဲစိန့ၣ် ကြၢးနလဲၤတဲတၢ်လၢ အယံၤဒီးလ့ၣ်ဆီၣ်န့ၣ်လီၤ.
တဘၣ်ကတိၤအါတၢ်ဒီး ပှၤလၢအထီဒါတၢ်တဖၣ်တဂ့ၤ. ပှၤလၢအထီဒါတၢ်တဖၣ် အတၢ်ကတိၤမ့ၢ်အါထီၣ်န့ၣ် သုးနလီၢ်ဆူတၢ်လီၢ် အဂၤတတီၤတက့ၢ်.