ဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ | ဒ်သိးနကအိၣ်ဒီး တၢ်သူၣ်ခုသးခုလၢ တၢ်သးခုကစီၣ် တၢ်မၤပူၤအဂီၢ်
သူယွၤအကလုၢ်ကထါ
ကစၢ်ယွၤ အကလုၢ်ကထါန့ၣ် အိၣ်ဒီးအစိကမီၤလီၤ. (ဧ့ၤ. ၄:၁၂) ဒီးထုးန့ၢ်စ့ၢ်ကီး ပှၤလၢတသ့ၣ်ညါယွၤတဖၣ် အသးသ့လီၤ. (၁ သ့း. ၁:၉; ၂:၁၃) ဖဲပတဲပၠးပှၤတဂၤဂၤ လံာ်စီဆှံတၢ်မ့ၢ်တၢ်တီ ဒီးပထံၣ်ဘၣ်လၢ အဝဲပာ်လုၢ်ပာ်ပှ့ၤဝဲအခါ ပသးခုဒိၣ်မးလီၤ.
ကွၢ်တၢ်ဂီၤမူလၢအမ့ၢ် ဒ်သိးနကအိၣ်ဒီး တၢ်သူၣ်ခုသးခုလၢ တၢ်လဲၤဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်အဂီၢ်—မၤဂ့ၤထီၣ်နတၢ်သ့တၢ်ဘၣ်တဖၣ်—ဒုးသ့ၣ်ညါပှၤဂၤလၢ ကစၢ်ယွၤအကလုၢ်ကထါန့ၣ် အိၣ်ဒီးအစိအကမီၤ ဒီးစံးဆၢတၢ်သံကွၢ်တဖၣ်အံၤ–
ဒ်သိးဖီဒ့ၣ်ညါ ကသ့ၣ်ညါဝဲလၢ လိၣ်လၢကဘၣ်အိးထီၣ်ဖး လံာ်စီဆှံအဂီၢ်န့ၣ် နံထၣ် မၤဝဲဒ်လဲၣ်.
ဒ်သိးအဝဲကသ့ၣ်ညါဘၣ်ဝဲလၢ ယွၤအကလုၢ်ကထါ အိၣ်ဒီးအစိကမီၤအဂီၢ် နံထၣ်မၢ ဖီဒ့ၣ်ညါ ဖးလံာ်စီဆှံလၢ အကလုၢ်ဒိၣ်ဒိၣ် ဒီးအဝဲပာ်ဖျါထီၣ်ဝဲ တၢ်ဂ့ၢ်အရ့ဒိၣ်လၢ လံာ်စီဆှံအပူၤဒ်လဲၣ်.
လံာ်စီဆှံအဆၢ ထုးန့ၢ် ဖီဒ့ၣ်ညါအသးန့ၣ် ပသ့ၣ်ညါဘၣ်ဒ်လဲၣ်. ဒီးနဆိကမိၣ် နံထၣ်အသးကမၤသးဒ်လဲၣ်.