ဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ | နတၢ်သးခု ကအါထီၣ်လၢ တၢ်သးခုကစီၣ်တၢ်မၤအပူၤအဂီၢ်
တူၢ်လိာ်တၢ်မၤစၢၤလၢ ပှၤမၤသကိးတၢ်တဖၣ်အအိၣ်
ယဟိဝၤယွၤ ကတဲာ်ကတီၤန့ၢ်ပှၤ ဒီပုၢ်ဝဲၢ်မုၣ်ခွါလၢ “ဟီၣ်ခိၣ်ဒီးဘ့ၣ်” ဒ်သိးကမၤစၢၤပှၤအဂီၢ်လီၤ. (၁ ပ့း. ၅:၉) ဒ်သိးပလဲၤခီဖျိ တၢ်ကီတၢ်ခဲလၢ ပထံၣ်ဘၣ်လၢ တၢ်သးခုကစီၣ်တၢ်မၤပူၤတဖၣ် ကန့ၢ်အဂီၢ် အဝဲသ့ၣ် မၤစၢၤပှၤသ့လီၤ. အဒိ ခီဖျိလၢ စီၤအကူလၤ, နီၢ်ပြံစကံးလၤ, စီၤစံလၤ, စီၤတံၤမသ့း ဒီးပှၤအဂၤတဖၣ် အတၢ်မၤစၢၤအဃိ တၢ်မၢဖိပီလူး ဒိးန့ၢ်ဘၣ် တၢ်အဘျုးအါမးလီၤ.—မၤတၢ်. ၁၈:၁-၅.
လၢတၢ်စံၣ်တဲၤတဲလီၤတၢ်မၤအပူၤန့ၣ် ပှၤလၢအမၤသကိးတၢ်ဒီးနၤ မၤစၢၤနၤသ့ဒ်လဲၣ်. အဝဲသ့ၣ်ကဟ့ၣ်နၤ တၢ်ဟ့ၣ်ကူၣ်လၢအကဲဘျုး ဒ်သိးဒီး နမ့ၢ်ထံၣ်ဘၣ်ဒီး ပှၤလၢတအဲၣ်ဒိး ဒိကနၣ်တၢ်န့ၣ် နကဘၣ်မၤဒ်လဲၣ်, နကဘၣ်မၤ တၢ်က့ၤသကိး ဟံၣ်ကစၢ်ဒ်လဲၣ် ဒီးကနဘၣ်စးထီၣ် တၢ်မၤလိလံာ်စီဆှံဒီးပှၤဂၤ ဒ်လဲၣ်န့ၣ်လီၤ. ဆိကမိၣ်ထီၣ် ပှၤတဂၤဂၤလၢ နတၢ်အိၣ်ဖှိၣ်အပူၤ လၢအဟ့ၣ်နၤတၢ်မၤစၢၤလၢ နလိၣ်ဘၣ်အီၤသ့ ဒီးဃ့အီၤ တၢ်မၤစၢၤတက့ၢ်. ပနာ်သ့သပှၢ်ကတၢၢ်လၢ သုခံဂၤလၢာ် ကဒိးန့ၢ်ဘၣ် တၢ်ဘျုးတၢ်ဖှိၣ် ဒီးတၢ်သးခုလီၤ.—ဖံလံး. ၁:၂၅.
ကွၢ်တၢ်ဂီၤမူလၢအမ့ၢ် ဒ်သိးနကအိၣ်ဒီး တၢ်သူၣ်ခုသးခုလၢ တၢ်လဲၤဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်အဂီၢ်— တူၢ်လိာ်ယဟိဝၤယွၤအတၢ်မၤစၢၤ—ပဒီပုၢ်ဝဲၢ်တဖၣ် ဒီးစံးဆၢတၢ်သံကွၢ်တဖၣ်အံၤ–
နံထၣ် ဟ့ၣ်ဂံၢ်ဟ့ၣ်ဘါဝဲ ဖီဒ့ၣ်ညါလၢ ကထီၣ်တၢ်အိၣ်ဖှိၣ်အဂီၢ်ဒ်လဲၣ်.
ဖဲပမၤ တၢ်မၤလိလံာ်စီဆှံဒီးပှၤဂၤအခါ ဘၣ်မနုၤအဃိ ပကြၢးကွဲမုာ် ဒီပုၢ်ဝဲၢ်မုၣ်ခွါအဂၤတဖၣ်လဲၣ်.
ပှၤတဂၤကကဲထီၣ် ခရံာ်အပျဲၢ်အဘီၣ်အဂီၢ် လိၣ်ဘၣ်တၢ်အိၣ်ဖှိၣ်ဒီတဖုအတၢ်မၤစၢၤ
ဖီဒ့ၣ်ညါ ဒီးအဘံးကဲန့ၣ် အတၢ်ဘၣ်သူၣ်ဘၣ်သး လီၤဂာ်လိာ်အသးဒ်လဲၣ်.
လၢတၢ်သးခုကစီၣ်တၢ်မၤအပူၤ ပှၤလၢအမၤသကိးတၢ်ဒီးနၤန့ၣ် သိၣ်လိၣ်နၤဒ်သိး နတၢ်သ့တၢ်ဘၣ် ကအါထီၣ်အဂီၢ်ဒ်လဲၣ်.