ဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ | ဒ်သိးနတၢ်သးခုကအါထီၣ်လၢ တၢ်သးခုကစီၣ်တၢ်မၤပူၤအဂီၢ်
သိၣ်လိပှၤမၤလိလံာ်စီဆှံဖိလၢ ကဟံးန့ၢ်အီၣ် နီၢ်သးတၢ်အီၣ်လၢ အနီၢ်ကစၢ်ဒၣ်ဝဲ
ပှၤမၤလိလံာ်စီဆှံဖိ ကသ့ၣ်ညါထီၣ် ယဟိဝၤယွၤ ဒီးကကဲထီၣ်ခရံာ်ဖိလၢ အဒိၣ်တုာ်ခိၣ်ပှဲၤတဂၤအဂီၢ် ထဲဒၣ်ပမၤလိအီၤ လံာ်စီဆှံန့ၣ် တလၢပှဲၤဒံးဘၣ်. (မး. ၅:၃; ဧ့ၤ. ၅:၁၂–၆:၂) အဝဲသ့ၣ် ကဘၣ်ဟံးန့ၢ်အီၣ် နီၢ်သးတၢ်အီၣ်လၢ အနီၢ်ကစၢ်ဒၣ်ဝဲလီၤ.
ဖဲနစးထီၣ်မၤလိအီၤ လံာ်စီဆှံအခါ ပၠးအီၤလၢ ကဘၣ်ကတဲာ်ကတီၤဝဲလၢ တၢ်မၤလိအဂီၢ်ဒ်လဲၣ် ဒီးဟ့ၣ်ဂံၢ်ဟ့ၣ်ဘါအီၤလၢ ကမၤဝဲအဂီၢ်တက့ၢ်. (mwb၁၈.၀၃ ၆) ဟ့ၣ်ဂံၢ်ဟ့ၣ်ဘါအီၤလၢ တချုးမၤ နီၢ်ကစၢ်တၢ်မၤလိလံာ်စီဆှံဒံးဘၣ်န့ၣ် ကဃ့ဘါထုကဖၣ်. ဒီးဖဲအမၤလိတၢ်အခါ ဒ်သိးသူဝဲ ဒံၤကၠံၤတၢၤတၢ်ပီးတၢ်လီတဖၣ် ကဘၣ်အဂီၢ်မၤစၢၤအီၤတက့ၢ်. တကးဒံးဘၣ် မၤစၢၤအီၤလၢ ကွၢ်ဃုဝဲ တၢ်ဂ့ၢ်အသီလၢ jw.org ဒီး JW တၢ်ဂီၤမူ အပူၤကသ့အဂီၢ်တက့ၢ်. ဒ်သိးကဖးလံာ်စီဆှံ ကိးနံၤဒဲး, ကကတဲာ်ကတီၤအသးလၢ တၢ်အိၣ်ဖှိၣ်အဂီၢ် ဒီးဃုဝဲ တၢ်သံကွၢ်လၢအဲၣ်ဒိးသ့ၣ်ညါဝဲတဖၣ် အတၢ်စံးဆၢ ကသ့အဂီၢ် မၤစၢၤအီၤကယီယီ. ဒီးဟ့ၣ်ဂံၢ်ဟ့ၣ်ဘါအီၤလၢ ကဆိကမိၣ်ထံဝဲ တၢ်လၢအမၤလိဘၣ်ဝဲတဖၣ်တက့ၢ်.
ကွၢ်တၢ်ဂီၤမူလၢ မၤစၢၤနပှၤမၤလိလံာ်စီဆှံဖိလၢ ကဟံးန့ၢ်နီၢ်သးတၢ်အီၣ်လၢ အနီၢ်ကစၢ် ဒီးစံးဆၢတၢ်သံကွၢ်တဖၣ်အံၤ–
ဒ်သိးဖီဒ့ၣ်ညါ ကသ့ၣ်ညါဝဲလၢ တၢ်မၤလိလံာ်စီဆှံန့ၣ် တမ့ၢ်ထဲ တၢ်ဃုသ့ၣ်ညါ တၢ်စံးဆၢအဂီၢ်ဘၣ်န့ၣ် နံထၣ်မၤစၢၤအီၤဒ်လဲၣ်.
ဒ်သိးဖီဒ့ၣ်ညါ ကတူၢ်လိာ်ဝဲလၢ ယဟိဝၤယွၤ အိၣ်ဒီးတၢ်ခွဲးတၢ်ယာ်လၢ ကတြီဝဲ တၢ်မၤကမၣ်မုၣ်ကမၣ်ခွါအဂီၢ် တၢ်မနုၤမၤစၢၤအီၤလဲၣ်.
သိၣ်လိနပှၤမၤလိလံာ်စီဆှံဖိလၢ ကဃုသ့ၣ်ညါ တၢ်ဂ့ၢ်လၢအရ့ဒိၣ်တဖၣ် ဒီးကမၤထွဲအဂီၢ်
ဘၣ်ဃးဒီး တၢ်ဆိကမိၣ်ထံတၢ်န့ၣ် ဖီဒ့ၣ်ညါသ့ၣ်ညါထီၣ်ဘၣ်ဝဲ တၢ်မနုၤလဲၣ်.