ဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ | နတၢ်သးခု ကအါထီၣ်လၢ တၢ်သးခုကစီၣ်တၢ်မၤအပူၤအဂီၢ်
မၤစၢၤနပှၤမၤလိလံာ်စီဆှံဖိလၢ ကအိၣ်ဒီးတၢ်ရ့လိာ်သးဒီး ယဟိဝၤယွၤ
ယဟိဝၤယွၤ အဲၣ်ဒိးလၢပမၤအတၢ်မၤ ခီဖျိလၢ ပအဲၣ်အီၤအဃိလီၤ. (မး. ၂၂:၃၇, ၃၈) ပှၤမၤလိလံာ်စီဆှံဖိ မ့ၢ်အဲၣ်ကစၢ်ယွၤန့ၣ် ကမၤစၢၤအီၤလၢ အဝဲကဆီတလဲအသး ဒီးဖဲထံၣ်ဘၣ်တၢ်မၤကွၢ်အခါ ကအိၣ်ဒီးတၢ်ဂံၢ်တၢ်ဘါလၢ ကမၤနၢၤကွံာ်ဝဲလီၤ. (၁ ယိၤ. ၅:၃) တၢ်အဲၣ်ကစၢ်ယွၤန့ၣ် ကထိၣ်ဟူးထိၣ်ဂဲၤထီၣ်စ့ၢ်ကီး အဝဲသ့ၣ်လၢ ကဒိးဘျၢထံအဂီၢ်လီၤ.
မၤစၢၤနပှၤမၤလိလံာ်စီဆှံဖိတဖၣ်လၢ ကသ့ၣ်ညါဝဲလၢ ယဟိဝၤယွၤအဲၣ်အဝဲသ့ၣ် ဒီးသံကွၢ်အဝဲသ့ၣ်လၢ “တၢ်ဂ့ၢ်အံၤသိၣ်လိနၤ ဘၣ်ဃးဒီး ယဟိဝၤယွၤအဂ့ၢ်ဒ်လဲၣ်. မ့တမ့ၢ် တၢ်ဂ့ၢ်အံၤ ပာ်ဖျါထီၣ်လၢ ကစၢ်ယွၤ အဲၣ်နၤဒ်လဲၣ်.’ မၤစၢၤအဝဲသ့ၣ်လၢ ကသ့ၣ်ညါဝဲလၢ ယဟိဝၤယွၤ မၤစၢၤအဝဲသ့ၣ်တဂၤစုာ်စုာ်. (၂ ကွဲး. ၁၆:၉) တဲပၠးအီၤဘၣ်ဃးဒီး ယဟိဝၤယွၤ စံးဆၢက့ၤ နတၢ်ထုကဖၣ်ဒ်လဲၣ် ဒီးဟ့ၣ်ဂံၢ်ဟ့ၣ်ဘါအီၤလၢ ကပာ်သူၣ်ပာ်သးဝဲလၢ ယဟိဝၤယွၤ စံးဆၢက့ၤအတၢ်ထုကဖၣ်ဒ်လဲၣ်. ဖဲပထံၣ်ဘၣ်လၢ ပပှၤမၤလိလံာ်စီဆှံဖိ တူၢ်ဘၣ်ဝဲလၢ ယဟိဝၤယွၤအဲၣ်အီၤ ဒီးအဝဲသ့ၣ်ပာ်ဖျါထီၣ်လၢ အအဲၣ်ယဟိဝၤယွၤ ဒီးအဲၣ်ဒိးကဲထီၣ် ယဟိဝၤယွၤ အတံၤသကိးအခါ ပသးခုဒိၣ်မး.
ကွၢ်တၢ်ဂီၤမူလၢအမ့ၢ် မၤစၢၤနပှၤမၤလိလံာ်စီဆှံဖိလၢ ကအိၣ်ဒီးတၢ်ရ့လိာ်သးဒီး ယဟိဝၤယွၤ ဒီးစံးဆၢတၢ်သံကွၢ်တဖၣ်အံၤ–
ဖီဒ့ၣ်ညါထံၣ်ဘၣ်ဒီး တၢ်ကီတၢ်ခဲ မနုၤလဲၣ်.
နံထၣ် မၤစၢၤဖီဒ့ၣ်ညါဒ်လဲၣ်.
ဖီဒ့ၣ်ညါလဲၤခီဖျိ အတၢ်ကီတၢ်ခဲတဖၣ်န့ၢ်ဒ်လဲၣ်.