မ့ၢ်နဒိကနၣ် လံာ်စီဆှံလၢ ပှၤသွီလီၤဃာ် တၢ်ကလုၢ်ဧါ

လံာ်စီဆှံလၢ ပှၤသွီလီၤဃာ် တၢ်ကလုၢ်န့ၣ်​ အဲၣ်ဒိးတဲဝဲ တၢ်မနုၤလဲၣ်. အဲၣ်ဒိးတဲဝဲ ပှၤဖးသီၣ်​ ဟီၣ်ခိၣ်သီ တၢ်ကွဲးကျိာ်ထံလံာ်စီဆှံ လၢပှၤမၤဂ့ၤထီၣ်အီၤ ဒီးပှၤသွီလီၤဃာ်အီၤလၢ တၢ်ကလုၢ်. ပှၤတီၣ်ထီၣ်အီၤလၢ ကျိာ်အါမး ဒီးပတီၣ်ထီၣ်အါထီၣ်အီၤ ကယီကယီ. ပှၤလၢလံာ်စီဆှံပူၤ တဂၤဘၣ်တဂၤအဂီၢ်န့ၣ်​ ပသူဝဲ ပှၤကလုၢ် အကလုာ်ကလုာ်. တၢ်ကလုၢ်တဖၣ်န့ၣ်​ ပှၤဖးသီၣ်ဝဲ အထီၣ်အလီၤ ဒ်သိးဒီး တၢ်ဂ့ၢ်ကဖျါၡဲၡဲ ဒီးပှၤကနၢ်ပၢၢ်အီၤ ဒ်သိးဒီး လံာ်စီဆှံ အဲၣ်ဒိးတဲဝဲအသိးအဂီၢ်.

ပှၤတနီၤ န့ၢ်ဘၣ်အဘျုးလၢ လံာ်စီဆှံလၢ ပှၤသွီလီၤဃာ် တၢ်ကလုၢ်ဒ်လဲၣ်. ပှၤအါဂၤလၢ အဒိကနၣ်​ လံာ်စီဆှံလၢ ပှၤသွီလီၤဃာ် တၢ်ကလုၢ်န့ၣ်​ မၤစၢၤအဝဲသ့ၣ်ဒ်သိး အတၢ်နာ်န့ၢ်လံာ်စီဆှံ ကအါထီၣ်. ပှၤဖးလံာ်စီဆှံ တဂၤဘၣ်တဂၤန့ၣ်​ ဖးဝဲဒ်သိး ပှၤလၢလံာ်စီဆှံပူၤတဖၣ်​ တဲတၢ်အသိး. အဃိ မၤစၢၤပှၤလၢပကထံၣ်တမှံကွၢ် တၢ်ကဲထီၣ်အသး လၢလံာ်စီဆှံ ပာ်ဖျါထီၣ်ဝဲ ဒီးနၢ်ပၢၢ်လံာ်စီဆှံဂ့ၤထီၣ်. (ကတိၤ ၄:၅) ပှၤအါဂၤန့ၣ်​ အဝဲသ့ၣ်ဒိကနၣ်​ လံာ်စီဆှံလၢ ပှၤသွီလီၤဃာ် တၢ်ကလုၢ်အဃိ ဖဲအဝဲသ့ၣ်​ ဘၣ်ယိၣ်ဘၣ်ဘှီတၢ်အခါ အဝဲသ့ၣ်​ သးမုာ်ထီၣ်က့ၤ.—စံး ၉၄:၁၉.

ပမ့ၢ်ဒိကနၣ်​ ကစၢ်ယွၤ အကလုၢ်ကထါလၢ ပှၤဖးသီၣ်အီၤ လၢကလုၢ်ဒိၣ်ဒိၣ်န့ၣ်​ ကကဲဘျုးလၢပဂီၢ်ဒိၣ်မး. (၂ ကွဲး ၃၄:၁၉-၂၁) လံာ်စီဆှံလၢ ပှၤသွီလီၤဃာ်တၢ်ကလုၢ် တနီၤမ့ၢ်ဂ့ၤ, ဒီတဘ့ၣ်မ့ၢ်ဂ့ၤ မ့ၢ်အိၣ်လၢ ကျိာ်လၢနနၢ်ပၢၢ်အီၤသ့န့ၣ်​ နပာ်လီၤနသးလၢ နကဒိကနၣ်အီၤ ထီဘိသ့ဧါ.

ကွၢ်တၢ်ဂီၤမူလၢအမ့ၢ် တၢ်ထုးထီၣ်လံာ်စီဆှံလၢ တၢ်ကလုၢ်—တၢ်ဂီၤမူဖုၣ်ကိာ်, ဒီးစံးဆၢ တၢ်သံကွၢ်လၢ တၢ်ဖီလာ်တဖၣ်အံၤ–