တၢ်ဟ့ၣ်ကူၣ်လၢ ကမၤစၢၤနၤဒ်သိး နကဆဲးဖးလံာ်စီဆှံ ကိးနံၤဒဲး

ပတၢ်မၤအါအဃိ တဘျီတခီၣ် ပကဖးလံာ်စီဆှံ ကိးနံၤဒဲးအဂီၢ် အတညီဘၣ်. (ၡူ ၁:၈) တၢ်မ့ၢ်ကဲထီၣ်သးဒီးနၤ ဒ်န့ၣ်န့ၣ် မၤကွၢ်တၢ်ဟ့ၣ်ကူၣ်အံၤ တခါခါ–

• မၤသီၣ်ဃာ်နၣ်ရံၣ်လၢ ကဒုးသ့ၣ်နီၣ်ထီၣ်နၤ. မၤသီၣ်ဃာ် နၣ်ရံၣ်လၢ နလီတဲစိပူၤ ဒ်သိးကဒုးသ့ၣ်နီၣ်ထီၣ်နၤလၢ ဆၢကတီၢ်ဘၣ်လၢ နကဘၣ်ဖးလံာ်စီဆှံ.

• ပာ်နလံာ်စီဆှံလၢ နထံၣ်အီၤညီအလီၢ်. နမ့ၢ်ဖးလံာ်စီဆှံလၢ ပှၤစဲကျံးထုးထီၣ်ဝဲန့ၣ် ပာ်အီၤလၢ နထံၣ်အီၤညီအလီၢ်.—၅ မိၤ ၁၁:၁၈.

• ဒိကနၣ် တၢ်ကလုၢ်လၢ ပှၤသွီဃာ်ဝဲ. ဖဲနမၤတၢ် ကိးနံၤဒဲးန့ၣ် နဒိကနၣ် လံာ်စီဆှံတၢ်ကလုၢ်လၢ ပှၤသွီဃာ်ဝဲသ့. ထါရၤန့ၣ် အကဲမိတဂၤလၢ အမၤပှၤလဲၤလၢညါ ဒီးအမၤတၢ်လၢ မုၢ်နၤခီ. အတဲဝဲလၢ “ဒ်သိး ယဖးလံာ်စီဆှံကိးနံၤဒဲး ကန့ၢ်အဂီၢ် ဖဲယမၤ ဟံၣ်တၢ်မၤအခါ ယဒိကနၣ် လံာ်စီဆှံတၢ်ကလုၢ်လၢ ပှၤသွီဃာ်ဝဲ.”

• ဆဲးဖးအီၤကိးနံၤဒဲး. ဒ်နပာ်ပနီၣ်ဃာ် တၢ်ဆၢကတီၢ်အသိး နဖးလံာ်စီဆှံ မ့ၢ်တချုးဘၣ် သနာ်က့ တချုးလၢ နက့ၤမံဒံးဘၣ်န့ၣ် နဖးအီၤစှၤကိာ်ဆၢသ့. နမ့ၢ်ဖးစှၤကိာ်ဆၢဖိ နာ်က့ နကန့ၢ်ဘၣ်အဘျုးဒံး.—၁ ပ့း ၂:၂.