Brais Seara/Moment via Getty Images
အိၣ်ပလီၢ်သးထီဘိ
ထံကၤနိကၤ—ဘၣ်ဃးဒီးတၢ်ဂ့ၢ်အံၤန့ၣ် လံာ်စီဆှံတဲဝဲဒ်လဲၣ်
ဖဲလါစဲးပတ့ဘၢၣ် ၇, ၂၀၂၂ န့ၣ် သၢၤကါဒံယဲ အတၢ်ကစီၣ် ပာ်ဖျါထီၣ်ဝဲဒ်အံၤ, “တရူးကီၢ်ပာ်ဖျါထီၣ်ဝဲလၢ တနံၣ်ညါအံၤ တၢ်ကိၢ်ဒိၣ်ကတၢၢ် ဒီးအမ့ၢ်ဝဲ တၢ်ကိၢ်ခါလၢ အဃ့ထီကတၢၢ် သၢဘျီတဘျီလၢ ပှၤပာ်ပနီၣ်အီၤ.”
ဖဲလါအီကူး ၂၆, ၂၀၂၂ န့ၣ် ဘီမုၢ်စၢဖှိၣ်ကရၢ အတၢ်ကစီၣ် ပာ်ဖျါထီၣ်ဝဲဒ်အံၤ, “တၢ်လီၢ်တနီၤလၢ အၤဖြံၤကၤန့ၣ် ထံကၤနိကၤဆဲးအိၣ်ဝဲ လၢယဲၢ်နံၣ်အတီၢ်ပူၤအဃိ ပှၤကထံၣ်ဘၣ် တၢ်ကီတၢ်ခဲဖးဒိၣ်.”
ဖဲလါအီကူး ၂၃, ၂၀၂၂ န့ၣ် ဘံၤဘံၤစံၤ အတၢ်ကစီၣ် ပာ်ဖျါထီၣ်ဝဲဒ်အံၤ, “ဘၣ်သ့ၣ်သ့ၣ် လၢကီၢ်ယူရပၤအပူၤ တၢ်လီၢ်အါန့ၢ်ဒံး တဝာ်ဘျဲၣ်န့ၣ် ထံကကၤဒိၣ်မး ဒီးအမ့ၢ်ကဲထီၣ်သး ဒ်န့ၣ်န့ၣ် အကနးန့ၢ်ဒံး လၢအပူၤကွံာ် အနံၣ် ၅၀၀ အတီၢ်ပူၤ.”
ပှၤကူၣ်ဘၣ်ကူၣ်သ့အါဂၤ ဆိမိၣ်ဝဲလၢ ထံကၤနိကၤကဆဲးအိၣ်ဝဲ ဒီးအကဆဲးနးထီၣ်ဝဲ စၢၢ်တလၢၢ်. ခါဆူညါ တၢ်မုၢ်လၢ်လၢ အဂ့ၤဒိၣ်န့ၢ်ဒံး အခဲအံၤန့ၣ် ကအိၣ်ဒံးဧါ. ဘၣ်ဃးဒီး တၢ်ဂ့ၢ်အံၤန့ၣ် လံာ်စီဆှံတဲဝဲဒ်လဲၣ်.
ထံကၤနိကၤ ဒီးဝံအတၢ်စံးပာ်
လံာ်စီဆှံတဲပာ်စၢၤဝဲ ဘၣ်ဃးဒီးတၢ်ကမၤအသးလၢ ဆၢကတီၢ်ခဲအံၤ–
“တၢ်သၣ်ဝံၤလီၤဒိ . . . ကအိၣ်ထီၣ်ဝဲလၢ တၢ်လီၢ်တတီၤ ဝံၤတတီၤ.”—လူၤကၣ် ၂၁:၁၁.
ထံကၤနိကၤန့ၣ် ဒုးအိၣ်ထီၣ် တၢ်သၣ်ဝံၤလီၤဒိ. ဒီးတၢ်သၣ်ဝံၤလီၤဒိန့ၣ် ဒုးအိၣ်ထီၣ် တၢ်နးတၢ်ဖှီၣ် ဒီးတၢ်သံ အဃိအမၤလၢပှဲၤ လံာ်စီဆှံအတၢ်စံးပာ်.—လီၣ်ဖျါ ၆:၆, ၈.
ဘၣ်မနုၤဃိ ထံကၤနိကၤ အိၣ်အါထီၣ်လဲၣ်
လံာ်စီဆှံပာ်ဖျါထီၣ် တၢ်ဂ့ၢ်ခိၣ်သ့ၣ် ဘၣ်ဃးဒီး ဘၣ်မနုၤဃိ ထံကၤနိကၤအါထီၣ်လဲၣ်. လံာ်စီဆှံတဲဝဲလၢ–
ပှၤဟီၣ်ခိၣ်ဖိ တဒိးန့ၢ်ဘၣ် တၢ်ခွဲးတၢ်ယာ်လၢ ကဟံးစုနဲၣ်ကျဲလီၤ အနီၢ်ကစၢ် အခီၣ်ခါဘၣ်.”—ယံးရမံယၤ ၁၀:၂၃.
လံာ်စီဆှံတဆၢအံၤ အဲၣ်ဒိးတဲဝဲ ပှၤဟီၣ်ခိၣ်ဖိတဖၣ် “ဟံးစုနဲၣ်ကျဲလီၤ အနီၢ်ကစၢ် အခီၣ်ခါ” မ့တမ့ၢ် ပၢလီၤအနီၢ်ကစၢ် တသ့ဘၣ်. အဝဲသ့ၣ်အတၢ်ဆၢတဲာ်လၢ အကမၣ်န့ၣ် ဒုးအိၣ်ထီၣ်ဝဲ ထံကၤနိကၤ.
ပှၤကူၣ်ဘၣ်ကူၣ်သ့ အါတက့ၢ်န့ၣ် တဲဝဲလၢ ပှၤဟီၣ်ခိၣ်ဖိ အတၢ်ဖံးတၢ်မၤတဖၣ် မၤဟးဂီၤ ခိၣ်ဃၢၤန့ဆၢၣ်အဃိ ဟီၣ်ခိၣ်ဒီဘ့ၣ် ထံကၤနိကၤ ဟဲအါထီၣ်ဝဲ.
ပှၤဟီၣ်ခိၣ်ဖိအတၢ်သးကွံ ဒီးပှၤဟီၣ်ခိၣ်ဖိ ဒုးအိၣ်ထီၣ်တၢ်သိၣ်တၢ်သီလၢ တဆိမိၣ်န့ၢ်တၢ်လၢ ခါဆူညါအဂီၢ် အဃိပှၢ်တဖၣ်ဟးဂီၤဝဲ. တကးဒံးဘၣ် ဟီၣ်ခိၣ် တၢ်ဘၣ်အၢဘၣ်သီအါထီၣ် ဒီးအဝဲသ့ၣ်မၤဟးဂီၤဝဲ ခိၣ်ဃၢၤန့ဆၢၣ်. တၢ်သ့ၣ်တဖၣ်န့ၣ် ဒုးအိၣ်ထီၣ်ဝဲ ထံကၤနိကၤ.
လံာ်စီဆှံဟ့ၣ်ပှၤ တၢ်မုၢ်လၢ်.
ခါဆူညါန့ၣ် ပတၢ်မုၢ်လၢ်အိၣ်ဧါ
လံာ်စီဆှံအၢၣ်လီၤပှၤလၢ ကစၢ်ယွၤကမၤလီၤမၢ်ကွံာ်ဝဲ ထံကၤနိကၤ. အကမၤဝဲဒ်လဲၣ်.
၁. ကစၢ်ယွၤက “မၤဟးဂီၤ ပှၤလၢအမၤဟးဂီၤ ဟီၣ်ခိၣ်.” (လီၣ်ဖျါ ၁၁:၁၈) ကစၢ်ယွၤကမၤဟးဂီၤ ပှၤအၢပှၤသီ ဒီးပှၤလၢအသူၣ်လီသးကွံတၢ် လၢအမၤဟးဂီၤ ခိၣ်ဃၢၤန့ဆၢၣ်.—၂ တံၤမသ့း ၃:၁, ၂.
၂. “ဟီၣ်ခိၣ်လၢအဃ့ထီန့ၣ် ကကဲထီၣ်က့ၤလၢနိၣ်.” (ယၡါယၤ ၃၅:၁, ၆, ၇) ကစၢ်ယွၤကမၤလီၤမၢ်ကွံာ် ထံကၤနိကၤ ဒီးလၢဟီၣ်ခိၣ်တဖျၢၣ်အံၤန့ၣ် ထံကအိၣ်ဝဲလၢလၢပှဲၤပှဲၤ.
၃. “နအံးထွဲကွၢ်ထွဲဟီၣ်ခိၣ်, နဒုးကဲထီၣ်အီၤလၢ ဟီၣ်ခိၣ်ညၣ်လၢအဂ့ၤ ဒီးဒုးမဲထီၣ်သၣ်ထီၣ်တၢ် အါအါဂီၢ်ဂီၢ်လီၤ.” (စံးထီၣ်ပတြၢၤ ၆၅:၉) ခီဖျိလၢကစၢ်ယွၤတၢ်ဆိၣ်ဂ့ၤအဃိ လၢဟီၣ်ခိၣ်န့ၣ်တၢ်အီၣ်တၢ်အီ ဒီးထံလၢအကဆှီ လၢပှၤခဲလၢာ်အဂီၢ်န့ၣ် ကအိၣ်ဝဲလၢလၢပှဲၤပှဲၤ.