တၢ်မၤဂ့ၤထီၣ် ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤ—သူနနီၢ်ကစၢ်အတၢ်ကတိၤလၢ နကနီၤလီၤမဲးကစံအဂီၢ်

ပမၤကသ့ဒ်လဲၣ်–

သံကွၢ်လီၤနသးဒ်အံၤ, ‘မ့ၢ်ယအဲၣ်ဒိးသူ တၢ်အဒိလၢ တၢ်နီၤလီၤလံာ်လဲၢ်အဂီၢ် တခါခါဧါ.’

ယအဲၣ်ဒိးသူ

• ကတဲာ်ကတီၤပာ်လၢ တၢ်ကတိၤအိးထီၣ်အဂီၢ်တက့ၢ်. နဆၢဂ့ၤဆၢဝါအီၤမ့ၢ်ဝံၤ ဘၣ်မနုၤအဃိ နဘၣ်ဟဲလၢအအိၣ်လဲၣ်န့ၣ် တဲနၢ်ပၢၢ်အီၤဂ့ၤဂ့ၤတက့ၢ်. (အဒိ– “ယဟဲလၢ နအိၣ်မ့ၢ်လၢ. . .”)

• သမံသမိးကွၢ် တၢ်သံကွၢ်, လံာ်စီဆှံအဆၢ ဒီးတၢ်ဟ့ၣ်ကူၣ် တခါဒီးတခါ ဘျးစဲလိာ်အသးဒ်လဲၣ်န့ၣ်တက့ၢ်. (အဒိ– ဒ်သိးနဖးလံာ်စီဆှံ ကန့ၢ်အဂီၢ်တဲအီၤဒ်အံၤ ‘‘ဘၣ်ဃးဒီးတၢ်သံကွၢ်အံၤ အတၢ်စံးဆၢလၢ အလီၤသူၣ်မံသးမုာ်န့ၣ် ပထံၣ်ဘၣ်အီၤသ့ဖဲအံၤလီၤ.”)

တအဲၣ်ဒိးသူဘၣ်

• လၢမဲးကစံအပူၤန့ၣ် ဃုထၢတၢ်ဂ့ၢ်တခါလၢ အထုးန့ၢ်နသး ဒီးကကဲဘျုးလၢ ပှၤအိၣ်လၢနဟီၣ်ကဝီၤအပူၤအဂီၢ်န့ၣ်တက့ၢ်

• နစးထီၣ်ကတိၤတၢ်ဒီး ဟံၣ်ကစၢ်ကန့ၢ်အဂီၢ် သံကွၢ်တၢ်သံကွၢ်တဖျၢၣ်လၢ ကထိၣ်ဟူးထိၣ်ဂဲၤထီၣ်အသးတက့ၢ်. တဘၣ်သံကွၢ်တၢ်သံကွၢ်လၢ အကီတဂ့ၤ. (အဒိ– သံကွၢ်တၢ်သံကွၢ်တဖၣ်လၢ အိၣ်ဖဲမဲးကစံ လံာ်ကဘျံးပၤ ၂ အပူၤန့ၣ်လီၤ.)

• ဃုထၢလံာ်စီဆှံအဆၢလၢ နကဖးအီၤန့ၣ်တက့ၢ်.

• တဲနၢ်ပၢၢ်ဟံၣ်ကစၢ်လၢ အဝဲမ့ၢ်ဖးဝဲတၢ်ဂ့ၢ်တဖၣ်အံၤန့ၣ် ကဒိးန့ၢ်ဘၣ် အဘျုးဒ်လဲၣ်န့ၣ်တက့ၢ်

သူဂ့ၤတသူဂ့ၤ

• ကတဲာ်ကတီၤပာ်စ့ၢ်ကီး တၢ်သံကွၢ်လၢ နက့ၤအိၣ်သကိးက့ၤ ဟံၣ်ကစၢ်ကသ့အဂီၢ်တက့ၢ်

• တၢ်လၢနအဲၣ်ဒိးတဲလၢခံတဘျီန့ၣ် ဒ်သိးနတိၢ်နီၣ်ကန့ၢ်အဂီၢ် ကွဲးနီၣ်ဃာ်အီၤတက့ၢ်