Makanisi ya kusadila samu na ndongokolo

Yinki nge fueti longuka ntete?

Beto nionso beto kevuandaka na ntangu mingi ve samu na kusala ndongokolo na beto mosi. Yinki mutindu beto lenda sadila ntangu na beto mbote kuluta? Ya ntete, pesa ntangu mingi na mambu nge kena kutanga. Nge kebaka mambote kana nge kena kulonguka mambu fioti kaka na dikebi na kisika ya kulonguka mambu mingi na nsualunsualu.

Na manima, tula mambu yina meluta mfunu na ntuala. (Efe. 5:15, 16) Tadila makanisi yayi:

• Tangaka Biblia konso kilumbu. (Nk. 1:2) Yakevuanda mbote nge banda na bikapu ya Biblia yina beto kelongukaka konso sabala na lukutakanu ya katikati ya sabala.

• Bongisaka Yinzo’a zulu ya Nkengi mpe lukutakanu ya katikati ya sabala. Vuanda pene ya kupesa bakomantere.​—Nk. 22:22.

• Meka diaka kutanga mpe kutala madia yankaka ya kimpeve na kifuani bazulunalo na beto ya bantu nionso, bavideo, mpe masolo yankaka yina kele na jw.org.

• Longuka disolo mosi yina kesepedisaka nge. Nge lenda sosasosa disolo mosi yina metadila diambu mosi yina nge kena kukutana na yau, kiuvu mosi yina nge kele na yau, to disolo mosi ya Biblia yina nge kesepela kubakusa mbote. Samu na kumona makanisi yankaka, kuenda na kitini “Mpo na koyekola Biblia” na jw.org.