Mambu ya mfunu ya mbangudulu yayi

Mbangudulu ya Yinza ya Malu-Malu ya Masonoko ya Kigreke ya Bukristo na Anglais basikaka na 1950, mpe Biblia ya muvimba basikaka na 1961. Banda ntangu yina, ba millions ya bantu na bandinga kuluta 210 ke na sepelaka kutanga Biblia yayi, yina me vutula na butsyeleka nyonso Masonoko ya ntete na mutindu ya pete.

Kasi na kati ya bamvula 50 yayi me luta, bandinga me soba mingi. Comité ya Biblia. Mbangudulu ya Yinza ya Malu-Malu kwizaka tala ti ya me lunga kutadila bansobolo yayi samu na kusimba bantima ya bantu yina ke tangaka Biblia bubu yayi. Ni na yawu, ba salaka bansobolo na nzonzolo mpe mitindu ya nkaka ya kuzonza na mbangudulu yayi, na dikanisi ya kulungisa mikanu yayi:

Bamambu ya nkaka yina ba me bongisa na mbangudulu yayi

Biblia yayi ke ve na banoti mingi. Ba me tula yawu mutindu yayi:

• “To” Mutindu ya nkaka ya kuzonzila mambu mosi na Kiebre, na Kiarami to na Kigreke.—Matayi 2:2, noti ya “kufukama”; Baroma 1:18, “lunungu.”

• “To ya lenda vanda” Mutindu ya nkaka ya kuzonzila mambu yina ntangu ya nkaka ya lenda pesa dikanisi mosi.—Marke 1:34, “yandi vandaka Kristo”; 3 Yoane 4, “Kilengi ya munu.”

• “Na ndinga ya ntete” Mbangudulu ya mpova na mpova na Kiebre, na Kiarami to na Kigreke, to nzonzolo yina vandaka na Masonoko ya ntete.—Luke 15:20, “yambaka yandi”; 1 Bakorinto 1:29, “muntu.”

• Yina ya zola zonza mpe bamambu ya nkaka Yina bankumbu zola zonza (2 Bakorinto 6:15, “Beliale”); bamambu na yina me tadila kilo mpe kitezolo (Luke 13:21, “bakilo mingi”); bansangu ya nkaka ya mfunu na Yina ba me bwela mpe na Nsasa.—Matayi 5:22, “Gehena”; Matayi 1:22, “Yehova”; Marke 4:19, “mambu ya yinza.”

Na kitini “Bamambu yina beto lenda longoka na dyambu ya Nzambi,” yina kele na kubanda ya Biblia, ke zonzilaka malongi ya ntete yina ke na Biblia. Na manima ya yawu nge ke tala “Tablo ya babuku ya Biblia,” mpe “Nsasa ya banzonzolo ya Biblia.” Nsasa, ke sadisaka muntu yina ke na tangaka na kubakula banzonzolo ya nkaka yina ba me sadila na Biblia ya bawu. Yina ba me bwela ke na bamambu yayi na kati: “Misiku ya kubangula Biblia,” “Mambu ya mfunu ya mbangudulu yayi,” “Mutindu Biblia kumaka na beto,” “Nkumbu ya Nzambi na Masonoko ya Kigreke ya Bukristo,” “Bamambu ya nene ya luzingu ya Yesu awa na ntoto,” bakarti, bizizi mpe bamambu ya nkaka ya mfunu samu na balongoki yina ke bakaka ntangu ya kulongoka mbote-mbote Biblia.

Na kati ya Biblia, konso buku ke na kitini yina ke zonzilaka na bunkufi bamambu yina ke na konso kikapu na baverse yina ke na kati.