ZINGA MUTINDU BAKRISTO ME FWANA KUZINGA

Sadisa bantu yina ke sambilá ve na kuzaba Muntu yina yidiká bawu

Ya me kuminá nge na kusamuna ve na bantu yina ke kwikilá ve na Nzambi samu nge ke kanisá ti ba ke kuwa ve nge? Kana ya me kumina nge, bambuka moyo ti bantu mingi yina vanda sambila ve na ba yina vandá ndimá ve ti Nzambi kele, me kumá Bambangi ya Yehova. Bambala mingi, ba ke vandá kaka na nsatu ba sadisa bawu na kutala bamambu yina ke lakisá ti Nzambi kele.—Ro 1:20; 10:14.

TALA VIDEO KUZIMBANA VE TI BANTU YINA KE VE NA KIMINU LENDA KUMA NA KIMINU!—BA YINA KE SAMBILÁ VE, MPE YUFULA KYUVU YAYI:

Wa’ faso kifwani ya Tommaso ke na sadisá beto na kukima ve na kusamuna na bantu yina ke sambilá ve?

Mvutu ya nge

Yina nge lenda sala

Kana muntu me zonza ti yandi ke kwikilá ve na Nzambi, lakisa yandi ntima ya mbote, kudasuka ve, lakisa mpe ti nge ke na tulá bansatu ya yandi na kisika ya ntete. (2Ti 2:24) Zonzila masolo yina lenda sepelisa yandi. Yandi lenda ndima kwandi kusolola na bamambu yina ndimisá bantu ya nkaka ti Nzambi kele? Kana yandi me ndima, sadila mikanda mpe bavideo yina ke lakisak’ yawu. Nge lenda sadila mikanda zole yayi: La vie a-t-elle été créée? mpe Cinq questions à se poser sur l’origine de la vie.

Na kubanda, nge lenda vanda na mwa boma ya kusolola na muntu yina ke kwikilá ve na Nzambi. Nge lenda lomba kwandi na mpangi mosi yina ke samuná mingi mpe na faso ya mbote na kusadisa nge? Kuzimbana ve ti, Yehova mpe lenda sadisa nge na kusosa bantu yina ke na ntima ya mbote ata ti na kubanda ba ke na kwikilá ve ti Nzambi kele.—Bis 13:48.