5-11 AOÛT

BANKUNGA 70-72

Nzimbu 59 mpe lusambu | Mambu yina beto ke longoka (Min. 1)

BIMVWAMA YA BIBLIA

1. ‘Zabisa ngolo ya Nzambi na bantu yina me kwiza na manima’

(Min. 10)

Davidi talaka mutindu Yehova bumbaka yandi na ntangu yina yandi vandaka ntwenya (Nku 71:5; w99-F 1/9 18 §17)

Davidi talaka mutindu Yehova sadisaka yandi ntangu yandi nunaka (Nku 71:9; g04-F 8/10 23 §3)

Davidi zonzilaka na bantwenya bamambu yina Yehova salaka samu na yandi samu na kukindisa bawu (Nku 71:17, 18; w14-F 15/1 23 §4-5)

Dikanda yina beto zonzilaka lumingu yina me luta na kitini “Malongi samu na kulongoka ya dikanda ya nkokila.” Ba ke na kilengi ya kuwa masolo mpe kutala bafoto ya bampangi ya kukwela yina ba bokilaka na kulongoka ya bawu ya dikanda.

NGE LENDA YUFULA: ‘Ya ke kwandi na mpangi mosi yina me sala bamvula mingi na kisalu ya Yehova yina mu lenda bokila na kulongoka ya beto ya dikanda samu na kusolola na yandi?’

2. Matadi ya ntalu ya kimpeve

(Min. 10)

Nku 72:8—Wa’ faso nsilulu yina Yehova pesaka na Abrahami na Kubanda 15:18 lunganaka na ntangu mfumu Salomoni vanda yala? (it-1-F 825-826)

Mvutu ya nge
Na kitini ya Biblia ya lumingu yayi, wapi matadi ya ntalu nge me kuzwa yina nge lenda kabula?

Mvutu ya nge

3. Kutanga Biblia

(Min. 4) Nku 71:1-24 (th-F kileso 5)

TULA NTIMA NA KISALU YA KUSAMUNA

4. Kubanda masolo

(Min. 3) YINZO NA YINZO. Ntangu muntu ke na sosaka kuswanisa nge zenga disolo na faso ya mbote. (lmd kileso 4 dikanisi 5)

5. Kuvutukila kutala muntu

(Min. 4) KUSAMUNA NTANGU BETO KE NA SALAKA BAMAMBU YA BETO YA BILUMBU NYONSO. Solola na muntu ya dikanda ya nge na disolo yina nge bikaka mpe na manima yandi ke zabisa nge maketi-keti yina yandi ke na yawu samu na kulongoka Biblia. (lmd kileso 8 dikanisi 4)

6. Zonzila bamambu yina nge ke kwikilaka na yawu

(Min. 5) Discours. ijwfq-F 49—Yintu dyambu: Samu na yinki Bambangi ya Yehova sobaka bamambu ya nkaka yina ba vanda kwikilaka? (th-F kileso 17)

ZINGA MUTINDU BAKRISTO ME FWANA KUZINGA

Nzimbu 76

7. Makanisi samu na kulongoka ya dikanda

(Min. 15) Disolo.

Dikanda yango ke na yimbaka nzimbu mosi ya beto.

Mama na mwana ke na salaka mutindu mwana ke na pesaka mvutu na muntu yina me yufula yandi kyuvu.

Kulongoka ya dikanda ke mfunu mingi samu bana kuzwa “malongi mpe ndongosolo yina Mfumu ke zolaka.” (Ef 6:4) Ata ti kulongoka ke lombaka bangolo, kasi ya lenda vanda ntangu ya kilengi kana mwana kulisa nsatu ya kulongoka mambu ya Biblia. (Yoa 6:27; 1Pi 2:2) Tala dyaka encadré “Makanisi samu na kulongoka ya dikanda,” yina lenda sadisa bibuti na kusala ti nkokila ya kulongoka ya dikanda vanda kitoko mpe ya sadisa bawu. Na manima, yufula byuvu yayi:

Wapi makanisi nge zola kumeka na kulongoka ya beno ya dikanda?

Mvutu ya nge
Ya ke kwandi na dikanisi ya nkaka yina beno me tala ti ya lenda sadisa beno?

Mvutu ya nge

MAKANISI SAMU NA KULONGOKA YA DIKANDA

BIBLIA:

Beno kuwa audio ya kitini ya Biblia yina ba ke tanga na lumingu, to beno kabula bitini ya kutanga. Mosi na mosi ke baka kisika ya muntu mosi yina ke na kati ya disolo ya Biblia yina beno ke na tangaka
Beno bongisa byuvu samu na kitini ya Biblia yina beno ke tanga. Beno lomba na mosi na mosi ya dikanda na kusoola kyuvu mpe kusosa yinki mikanda ya beto ke zonzaka na yina me tadila yawu. Mpe na manima ba lenda kabula yina ba me longoka
Beno yufula kyuvu to beno zonzila mambu mosi, mpe na manima beno sosa yinki buku ‘Masonoko samu na luzingu ya bakristo’ ke zonzaka na yina me tadila mambu to kyuvu yango
Beno sala bamambu yina bantu yina ke na disolo ya kitini ya Biblia yina beno ke tanga salaka
Konso lumingu, beno sonika verse mosi na mwa mukanda ya fioti, mutindu baverse yina ke na kitini Yina ba me bwela 1 ya mukanda Zola bantu—Kumisa bawu bilandi, mpe na manima sosa kukanga yawu na yintu. Vutukila kutala baverse ya balumingu yina me luta
Beno longoka kitini mosi ya buku Sepela na luzingu ya ntangu nyonso
Beno lenda lomba na mosi na mosi na kati ya dikanda na kuzonzila bamambu yina yandi me longoka na manima ya kutanga masolo yina ke na jw.org na bitini “Bamvutu na byuvu ya Biblia” to “Que veulent dire ces versets,” yina ke na LA BIBLE ET VOUS

BALUKUTAKANU:

Beno bongama samu na kitini mosi ya lukutakanu ya kimvuka
Beno bongisa mpe beno vutukila bamambu yina beno ke zonza na balukutakanu. Tala ntangu yina nge ke lutisa na kuzonza
Beno yimba banzimbu yina ke luta na balukutakanu
Beno solola na faso beno lenda kindisa muntu tekila lukutakanu banda mpe na manima
Kana muntu mosi na kati ya beno ke na disolo na Lukutakanu ya luzingu mpe kisalu, yandi me bonga kusala yawu na beno samu na kubongama

KISALU YA KUSAMUNA:

Beno bongama samu na kisalu ya kusamuna ya yinzo na yinzo
Beno bongama samu na kuvutukila kutala bantu yina beno kutanaka na bawu
Beno kanisa mutindu beno ke na zandu to na kisika ya nkaka, mpe beno longoka faso ya kubanda disolo ya mbote na muntu
Beno zonzila na faso yina beno lenda sala dyaka ya kulutila na kisalu ya kusamuna na bangonda ya kubambuka moyo lufwa ya Yesu, na ntangu yina nge ke na salaka ve to nge ke na kwendaka ve na lukolo

BANSATU YA DIKANDA:

Beno lenda solola kintwadi na faso ya kusala kana bamambu ya mutindu yayi me kumina beno: ntangu bantu ke sosaka kunata beto na kukota na mambu ya politike, ntangu ba ke sosilaka beto mindondo, ntangu muntu ke sosaka kukutana na beto samu na kusosa beto makangu, to na bilumbu ya bafeti ya mabuundu to ya bwala
Na ntangu beno ke na sololaka samu na kubongama, bibuti lenda baka bisika ya bana mpe bana bisika ya bibuti. Bana lenda sosa disolo mpe kusolola na yawu na bibuti

MAKANISI YA NKAKA:

Beno tala Tele JW mpe beno solola na yawu
Beno tanga disolo mosi to beno tala video mosi na jw.org, mpe na manima beno solola na yawu
Beno sadila kima mosi yina ke na kitini “Bantwenya” to “Bana” yina ke na kati ya MALONGI YA BIBLIA na jw.org
Beno lenda vutukila kutala banoti ya lukutakanu ya nene to ya lukutakanu ya circonscription
Beno lenda tala to kusosa bima yina Yehova yidikaka, mpe na manima kuzonzila yinki ya ke na longaka beno na yina me tadila Yehova
Bantangu ya nkaka beno lenda bokila mpangi mosi na kulongoka ya beno ya dikanda, mpe na manima beno solola na yandi
Beno lenda kanisa na bamambu ya kimpeve yina beno lenda sala, mpe kusolola na mutindu ya kulungisa yawu
Beno lenda sala mwa kima kintwadi, mutindu na manima ya kutanga mwa disolo, beno lenda yidika kima mosi yina ba me zonzila kuna, kusadila ba cartes to kusosa kuzaba bamambu ya nkaka na yina me tadila disolo yango

Lutisa VIDEO Tatamana na kubongisa kulongoka ya beno ya dikanda. Na manima yufula kyuvu:

Wa’ faso bakala ya kukwela lenda sala ti kulongoka ya dikanda vanda kitoko samu na kento ya yandi ntangu ba ke ve na bana?

Mvutu ya nge

8. Kulongoka ya Biblia ya kimvuka

(Min. 30) bt-F kikapu 13 §17-24