Na nani nge lenda tula ntima?—Yinki Biblia ke zonzaka?

Ya ke nyongisaka bantu na kutala ti, bantu yina ba ke tudilaka ntima, ke ve faso yina ba ke tadilaka bawu. Bantu mingi ke tulaka dyaka ve ntima na . . .

• bamfumu ya politike yina ke tulaka bansatu ya bawu mosi na mantwala tekila bansatu ya bantu.

• bantu yina ke pesaka ve bansangu na faso ya kele mpe na faso ya kulunga, ya vanda na tele to na radio.

• bantu ya mayela yina ke salaka ve mambu yina ke mbote samu na bantu.

• bamfumu ya mabuundu, samu ba ke kotaka na bamambu ya politike na kisika ya kusadila Nzambi.

Kana bantu ke tulaka ve ntima na bantu ya nkaka, ya ke ve foti ya bawu. Biblia ke kebisaka beto:

• ‘Beno tula ve ntima na bamfumu, yina lenda vuukisa ve.’—Nkunga 146:3.

Muntu yina nge lenda tudila ntima

Biblia ke zonzaka ti Yesu Kristo ke muntu yina nge lenda tudila ntima. Yandi ke ve kaka muntu ya mbote yina zingaka na ntama. Nzambi soolaka Yesu samu yandi “yala . . . , mpe Kimfumu ya yandi ke vanda ve na nsuka.” (Luke 1:32, 33) Yesu ke Mfumu ya Kimfumu ya Nzambi, yina ntangu yayi ke na yalaka na mazulu.—Matayi 6:10.

• Samu na kuzaba samu na yinki nge me bonga kutula ntima na Yesu, tanga disolo “Qui est le Roi du royaume de Dieu ?” mpe “Yinki kimfumu ya Nzambi ke lungisa?”