Yesu ke manisa bamvita

Ntangu Yesu vandaka na zulu ya ntoto, yandi lakisaka bantu luzolo mingi. Yandi kwendaka tii na kupesa luzingu ya yandi samu na bantu. (Matayi 20:28; Yoane 15:13) Na mwa ntangu fioti, yandi ke lakisa dyaka ti yandi ke zolaka bantu ntangu yandi ke sadila lutumu ya yandi ya Mfumu ya Kimfumu ya Nzambi samu na ‘kusukisa bamvita na ntoto ya muvimba.’—Nkunga 46:9.

Tala faso Biblia ke zonzilaka yinki Yesu ke sala:

• ‘Yandi ke vuukisa muntu ya bumputu (pauvre) yina ke na dilaka samu na kulomba lubakusu, mpe muntu ya kukondwa mfunu na konso muntu yina me kondwa sadisi. Yandi ke wila muntu ya kukondwa mfunu mpe muntu ya bumputu mawa, mpe yandi ke vuukisa luzingu ya bantu yina ke na bumputu. Yandi ke vuukisa bawu na bampasi mpe na mambu ya ngolo.’—Nkunga 72:12-14.

Yinki beto lenda sala samu na kuvutula Yesu matondo na nyonso yina yandi salaka mpe yina yandi ke sala dyaka samu na beto? Beto lenda sosa kuzaba “nsangu ya mbote ya Kimfumu ya Nzambi”, yina Yesu vanda samuna. (Luke 4:43) Tanga disolo “Kimfumu ya Nzambi ke yinki?”