Biblia lenda sadisa kwandi munu kana mu ke na kimbevo yina ke manisá ve?

Mvutu ya Biblia

Ee. Nzambi ke talá kyadi mpe ke kipeke bisadi ya yandi yina ke na belaka. Na yina me tadila mosi ya bisadi ya yandi, Biblia zonzaka: ‘Yehova ke sadisa yandi na mfulu ya yandi ya maladi.’ (Nkunga 41:3) Kana nge ke na kimbevo yina ke na manisá ve, tala bamambu tatu yina lenda sadisa nge na kuvanda na ngolo:

1. Sambila samu na kuzwa ngolo ya kukanga ntima. Lusambu lenda sadisa nge na kuzwa “kizunu ya Nzambi yina me lutila nyonso yina muntu lenda [bakula],” ya ke sadisa nge na kuvanda ve na manyongi ya kulutila mpe na kukanga ntima ata bampasi.—Bafilipi 4:6, 7.

2. Vanda na makanisi ya mbote. Biblia ke zonzaka: ‘Ntima ya kyese kele nkisi ya mbote, kasi mabanza ya kunyokwama ke katulaka ngolo ya muntu.’ (Bingana 17:22) Vanda na kifu ya kusekisá bampangi mpe ya kuseká nge mosi. Ya ke sadisa nge na kuvanda ve na kyadi mingi mpe ya ke pesa nge ngolo na nzutu.

3. Vanda na kivuvu na mambu yina ke kwiza na mantwala. Kivuvu ya ngolo ke sadisa nge na kuvanda na kilengi, ata ti nge ke na kimbevo yina ke na manisaka ve. (Baroma 12:12) Biblia ke zonzá ti ya ke vanda na ntangu yina ‘ata muntu mosi ve yina ke zingaka na yinsi ke tuba ti: “Munu ke na belaka.”’ (Izaya 33:24) Nzambi ke belusa bimbevo nyonso yina bantu ya science ke na lendá ve kubelusa. Na kifwani, Biblia ke zonzá ti kiboba ke vutuka ntwenya mpe ke vanda na ngolo na nzutu. Ya me zonza: ‘Bika ti musuni ya yandi kukuma ya malu-malu kulutila na buntwenya; Bika ti yandi vutuka na bilumbu ya ngolo ya buntwenya ya yandi.’—Yobi 33:25.

Simba mambu yayi: Beto Bambangi ya Yehova ke ndimá ti Nzambi ke sadisá beto, kasi beto ke sosá mpe manganga yina lenda sadisa beto. (Marke 2:17) Ata faso yina, beto ke zonzá ve na bantu wapi manganga kunwa; kasi beto ke biká konso muntu baka yandi mosi mikanu na yina me tadila mutindu ya kubelusa nzutu ya yandi.