KILESO 02

Biblia ke lakisá ti bamambu ke bonga na mantwala

Mutindu ya ke na talanaka na mukanda

Na yinza nyonso, bantu ke na nwaná na bamambu mingi yina ke salá ti ba vanda na kyadi, mpe ba tala mpasi. Nge mpe me kutaná na bamambu ya faso yayi? Ntangu ya nkaka nge ke na bimbevo yina ke na kwamisá nge, to nge ke ntete na dilá samu muntu yina nge vandá zola kufwaka. Mpe nge lenda yufula, ‘Luzingu yayi ke vanda kaka faso yayi?’ Biblia ke pesá mvutu yina ke pesa beto ngolo.

1. Yinki na kati ya Biblia ke na lakisá ti bamambu ke bonga?

Biblia ke zonzá samu na yinki yinza ke ya kufuluka na bamambu ya mpasi. Ya ke pesá mpe nsangu ya mbote na kuzaba ti na mwa ntangu fioti, Nzambi ke katula bamambu nyonso yayi. Bansilulu yina ke na kati ya Biblia lenda ‘pesa nge avenir mpe kivuvu.’ (Tanga Yeremia 29:11, 12.) Ya ke sadisa beto na kunwana na bamambu ya mpasi, na kuvanda na ngolo, mpe na kuvanda na kilengi yina ke manisá ve.

2. Biblia ke zonzá ti bilumbu ya mantwala ke vanda wa’ faso?

Biblia ke zonzá ti, na bilumbu yina ke kwiza “lufwa ke vanda dyaka ve, mawa, bidilu, mpe mpasi ke vanda dyaka ve.” (Tanga Luzabusu 21:4, nwt-MK.) Bamambu nyonso yina ke na manisá beto ngolo bubu yayi, faso bupovrete, injustice, bimbevo mpe lufwa, ke vanda dyaka ve. Biblia me lakisa ti, bantu ke tala kilengi ya luzingu ya ntangu nyonso awa na ntoto, ntangu ya ke kuma Paradiso.

3. Wa’ faso nge lenda kulisa kiminu ya nge na kivuvu yina Biblia ke pesá?

Bantu mingi ke zolá kuvanda na luzingu ya mbote, kasi ba zaba ve kana kivuvu yango ke lungana. Bansilulu yina Biblia ke pesá ke ve faso yina. Samu kiminu ya beto na Biblia vanda ngolo, beto zolá baka ntangu ya kulongoka Biblia mbote-mbote. (Bisalu 17:11) Kulongoka Biblia, ke sadisa nge na kundima to ve mambu nyonso yina ya ke zonzá samu na bilumbu yina ke kwiza.

SOSA KUZABA MBOTE-MBOTE

Tala ndambu ya mambu yina Biblia ke zonzá samu na bilumbu yina ke kwiza, mpe faso kivuvu yina Biblia ke pesá ke na sadisá bantu bubu yayi.

Collage: Bafoto yina ke na lakisá luzingu ya bubu yayi na luzingu yina Biblia ke pesá nsilulu samu na bilumbu yina ke kwiza. Ba me zonzila dyak’ yawu na yisi.

4. Biblia ke pesá kivuvu ya luzingu ya ntangu nyonso, na kisika yina bampasi ke vanda dyaka ve

Tala bansilulu yina ke na kati ya Biblia. Na nyonso yayi, wapi yina ke na sepelisá ntima ya nge? Mpe samu na yinki?

Tanga baverse yina ba me tula na nsuka ya mosi na mosi ya bansilulu yayi, mpe kuzwa bamvutu na byuvu yayi:

Nge me kanisa ti baverse yayi ke na pesá kwandi kivuvu? Ya lenda pesa mpe kivuvu na dikanda ya nge mpe na bandiku ya nge?

Kanisa ti nge ke na kati ya yinza yina

ATA MUNTU . . .	MUNTU NYONSO . . .
ke tala dyaka mpasi, ke nuna dyaka, to ke kufwa.—Izaya 25:8.	ke tala dyaka bampangi yina ke vutuka na luzingu ntangu ba ke vumbuka na lufwa awa na ntoto.—Yoane 5:28, 29.
ke bela dyaka to ke vanda dyaka ve na binama ya kufwa.—Izaya 33:24; 35:5, 6.	ke vanda na mavimpi (santé) ya mbote mpe ke nuna dyaka ve.—Yobi 33:25.
ke tala dyaka mpasi samu na injustice.—Izaya 32:16, 17.	ke vanda na bima mingi ya kudya, yinzo ya kitoko, mpe kisalu ya kitoko.—Nkunga 72:16; Izaya 65:21, 22.
ke tala dyaka mpasi samu na bamvita (guerres).—Nkunga 46:9.	ke vanda na luzingu ya kizunu.—Nkunga 37:11.
ke tala dyaka mpasi samu na makanisi ya yimbi.—Izaya 65:17.	ke vanda na luzingu ya ntangu nyonso mpe ya kitoko.—Nkunga 37:29.

Mwana ya bakala yina vandá na kimbevo me beluka, mpe ke na yambá mama ya yandi.

Bakala yina vandá ya kununa me kuma ntwenya, mpe ke na nataka bruwete ya kufuluka na ndunda.

5. Kivuvu yina Biblia ke pesá lenda yidika luzingu ya nge

Bantu mingi me lemba mpe ke ya kufuluka na nkele samu na bamambu yina ba ke na talaka. Ba ya nkaka ke na nwaná na kusosa kuyidika bamambu samu ya bonga. Tala faso nsilulu yina Biblia ke pesá ti mambu ke bonga, ke na sadisá bantu bubu yayi. Tala VIDEO, mpe na manima beto zonzila byuvu yina ke landa.

VIDEO: Mu vandá nwana samu injustise manisa (4:07)

Collage: Mambu yina ke na kati ya video ‘Mu vandá nwana samu injustice manisa.’ 1. Rafika vandá buka coton na bantu yina vandá mpusu mosi na yandi ntangu yandi vandá mwana ya fioti. 2. Rafika ke na kilengi ya kutala bantu ya bakuleur ya bampusu mingi ntangu yandi kwizá mbala ya ntete na lukutakanu ya nene ya Bambangi ya Yehova.

Na kati ya video yayi, wapi injustice vandá kwamisa Rafika?
Ata ti injustice yina zimbaná ve, wa’ faso Biblia sadisaka yandi?

Nsilulu yina Biblia ke pesá samu na avenir ya beto ke sadisa beto na kulemba ve. Nsilulu yango ke sadisa beto na kunwana na bamambu ya beto. Tanga Bingana 17:22 na Baroma 12:12, mpe na manima beto zonzila byuvu yayi:

Nge me kanisa ti kivuvu yina Biblia ke pesá lenda sadisa beto na kunwana na bamambu ya beto bubu yayi? Samu na yinki?

BANTU YA NKAKA KE ZONZAKA: “Bansilulu yina Biblia ke pesá samu na bilumbu yina ke kwiza ke kitoko mingi samu ya salama.”

Samu na yinki ya ke mbote mingi na kusosa kuzaba yawu nge mosi?

NA BUNKUFI

Biblia ke pesá beto kivuvu ya avenir ya kilengi, yina ke sadisá beto na kunwana na basusi ya luzingu.

Mambu ya kusimba

Samu na yinki bantu ke na nsatu ya kuzaba bansilulu ya Nzambi?
Yinki Biblia ke zonzá samu na bilumbu yina ke kwiza?
Wa’ faso kivuvu ya avenir ya kitoko lenda sadisa nge bubu yayi?

Sonika kilumbu yina kileso me manisa:

Yina nge lenda sala

Tanga baverse yina ba me sadila na kileso yayi samu nge mesana na bansilulu yina ke na kati ya Biblia.

Mambu ya nkaka ya kusala:

Your other goal

SOSA KUZABA DYAKA

Tala faso kivuvu lenda sadisa nge ntangu nge ke vandá na bamambu ya mpasi.

“L’espoir—où le trouver?” (Réveillez-vous!, 22 Avril 2004)

Tala wa’ faso kivuvu ya avenir ya kitoko lenda sadisa ba yina ke na nwaná na bimbevo yina ke na manisá ve.

“Vivre avec une maladie chronique: la Bible est-elle utile?” (Tanga yawu na jw.org)

Ntangu nge ke na talá video yayi, kanisa na kilumbu yina nge na dikanda ya nge, ke vanda na luzingu ya kilengi na kati ya paradiso yina Biblia ke zonzilá.

Kanisa na ntangu yina (3:37)

Tanga faso kivuvu yina Biblia ke pesá, bongisá luzingu ya muntu yina vandá nwana samu mambu bonga na yinza yayi.

“Je ne pense plus devoir changer le monde” (La Tour de Garde, 1 Juillet 2013)