Kivuvu samu na mvula 2023. Yinki Biblia ke zonzaka?

Na kubanda ya 2023, beto nyonso ke na kivuvu ti bamambu ya mbote ke kumina beto na dikanda ya beto. Samu na yinki beto lenda vanda na kivuvu samu na bilumbu na mantwala?

Biblia ke pesá kivuvu

Biblia ke pesá beto nsangu ya mbote ti bamambu ya mpasi yina beto ke na kutaná ke kaka samu na ntangu fioti, mpe ntama mingi ve ya ke manisa. Biblia “sonamaka samu na kulongisa beto, samu ti na lusalusu [. . .] ya kibakala yina yawu ke pesaka beto, beto vwanda na kivuvu.”​—Baroma 15:4.

• Samu na kuzaba dyaka mingi na bansilulu ya Biblia, tanga disolo “Une espérance réelle pour des jours meilleurs.”

Kivuvu yina lenda sadisa nge bubu yayi

Kivuvu yina Biblia ke pesá lenda vanda mutindu ‘kisengo yina ke simbaka bwatu samu na luzingu ya beto.’ (Baebre 6:19) Kivuvu yayi lenda pesa beto ngolo. Ya lenda sadisa beto na kunwana na bampasi yina beto ke kutaná na yawu, na kutala bamambu na faso ya mbote, mpe na kuvanda na kilengi yina lenda manisa ve. Na kifwani:

• Tala faso kivuvu yina Biblia ke pesá sadisá bakala mosi na kubika kifu ya yimbi yina yandi vandá na yawu. Tala video Mu vanda lenda dyaka ve kunata luzingu ya mutindu yayi.

• Tala faso kivuvu yina Biblia ke pesá ke sadisá beto ntangu beto ke fwidilá muntu yina beto vandá zolaka. Tala video Yayi ke samu na ba yina ke na dilá bantu ya bawu yina me kufwa.

Kumisa kivuvu ya nge ngolo

Bantu mingi ke vandá na kivuvu ti bamambu ya kitoko ke kumina bawu, kasi ba zaba ve kana ya lenda lungana. Bansilulu ya Biblia ke ve mutindu yina. Samu na yinki? Samu ti bansilulu ya Biblia me katuka na Yehovaa yandi mosi, muntu “yina ke vunaka ve.” (Tite 1:2) Kaka ni Yehova ke na ngolo ya kulungisa bansilulu ya yandi nyonso. Yandi lenda sala ‘mambu nyonso yina yandi ke zola kusala.’—Nkunga 135:5, 6.

Beto zola nge kuzwa bambote ya kivuvu ya tsyeleka yina Biblia ke pesaka. Nge lenda kumisa kiminu ya nge ngolo na ‘kulongokaka mambu ya Nzambi.’ (Bisalu 17:11) Sosa kulongoka Biblia na beto ya mpamba samu na kuzwa kivuvu yayi. Banda mvula 2023 na kivuvu ti bamambu ke bonga na mantwala.