Bawu kuwaka Satana​—Inki yawu nataka?

Adami na Eva kufwaka samu bawu tumamaka ve na Nzambi. Kubanda 3:6, 23

Eva kuwaka nioka mpe yandi kudiaka mbutu. Na manima, yandi pesaka yawu Adami, mpe yandi kudiaka.

Mambu bawu salaka vwandaka yimbi​—yawu vwandaka disumu. Nzambi bingisaka bawu na Paradiso.

Luzingu kumaka mpasi samu na bawu mpe na bana ya bawu. Adami na Eva kumaka biboba mpe bawu kufwaka. Bawu kwendaka ve na yinza ya bampeve. Luzingu ya bawu sukaka.

Bantu ya kufwa kele diaka na luzingu ve, mutindu fundu-fundu. Kubanda 3:19

Beto kefwaka samu beto nyonso katukaka na Adami na Eva. Bantu ya kufwa lenda kutala ve, kuwa ve mpe kusala kima mosi ve.​—Longi 9:5, 10.

Yehova vwanda zola ve beto kufwa. Tama mingi ve, yandi kepesa diaka luzingu na bantu ya kufwa. Kana bawu kuwa Nzambi, bawu kezinga tangu nyonso.