Wapi mutindu vwandaka lunzingu na Paradiso?

Yehova pesaka Adami na Eva babima mingi ya mbote. Kubanda 1:28

Yehova yidikaka nkento ya ntete, Eva, mpe yandi kwelisaka yandiKubanda na Adami.​—Kubasika 2:21, 22.

Yehova pesaka bawu mayela mpe nzutu ya kulunga, yina vwandaka na disumu ve.

Adami na Eva vwandaka kuzinga na kati ya Paradiso. Yawu vwandaka kisika ya kitoko mingi, na maza ya mwila, bayiti ya bambutu mpe na bibulu.

Yehova vwandaka kusolola na bawu; yandi vwandaka longisa bawu. Kana bawu kuwaka yandi, bawu zolaka zinga tangu nyonso na kati ya Paradiso.

Nzambi yiminaka bawu na kudia bambutu ya yinti mosi. Kubasika 2:16, 17

Mbazi mosi na mazulu vwandaka zola diaka ve kuwa Nzambi. Mbazi yango ya yimbi kele Satana Dyabulu.

Yehova lakisaka Adami na Eva yinti mosi na kati ya bilanga mpe yandi zonzilaka bawu kana bawu kudia mbutu ya yinti yina, bawu kekufwa.

Satana zolaka ve ke Adami na Eva tumama na Yehova. Nina yawu yandi sadilaka nioka samu na kuzonza na Eva kana nge kudia mbuma ya yinti yayi, nge kekufwa ve, kansi nge kekuma mutindu Nzambi. Na ntembe ve, yawu vwandaka kaka luvunu.​—Kubasika 3:1-5.