Bantu ya kufwa lenda ya matsyeleka kuzinga dyaka?

YINA BIBLIA KE ZONZAKA

“Nzambi ke vumbula bantu ya kufwa.”​—Bisalu 24:15, Ngwisani ya malumalu.

MAMBU YA MBOTE YINA NGE LENDA KUZWA

Yawu ke pesa beto ngolo na ntangu beto ke kufwilaka muntu yina beto ke zolaka mingi.​—2 Bakorinto 1:3, 4.

Yawu ke kukuula beto na boma ya lufwa.​—Baebre 2:15.

Yawu ke pesa beto kivuvu ya kutalana dyaka na bampangi ya beto yina kufwaka.​—Yoane 5:28, 29.

BETO FWANA KWIKILA MAMBU BIBLIA KE ZONZAKA?

Ee, samu na mambu ata tatu:

• Nzambi Muntu yidikaka luzingu. Biblia ke bokilaka Yehova Nzambi muntu yina “ke pesaka luzingu.” (Nkunga 36:9; Bisalu 17:24, 25) Muntu yina pesaka luzingu na bivangu nyonso kele na ngolo ya ku vutula luzingu na muntu ya kufwa.

• Nzambi vutulaka bantu na luzingu na ntangu ya ntama. Biblia ke zonzilaka mbala 8 yina bantu vutukaka na luzingu na zulu ya ntoto​—bantwenya, bankulutu, babakala mpe bakento. Bankaka lutisaka kaka ntangu fioti na lufwa, kasi mosi vwandaka bilumbu iya na kati ya ndyambu!​—Yoane 11:39-44.

• Nzambi kele na nsatu mingi ya kusala dyaka dyambu yayi. Yehova ke yinaka lufwa; na yandi, lufwa kele mbeni. (1 Bakorinto 15:26) Yandi kele na “nsatu mingi” ya kununga mbeni yayi, ya kuvumbula bantu ya kufwa samu na kununga lufwa. Yandi kele na nsatu mingi ya kuvumbula bantu nyonso ya kufwa yina kele na makanisi na yandi mpe kutala dyaka bawu na luzingu na zulu ya ntoto.​—Yoane 14:14, 15.