Bamambu ya kulongoka na kitini 12

Yesu longaka na bantu Kimfumu ya mazulu. Yandi longaka mpe bawu na kusambila ti nkumbu ya Nzambi vanda ya santu, Kimfumu ya Nzambi kwiza, mpe ti luzolo ya yandi lungana awa na ntoto. Kana nge ke kibuti, sadisa mwana ya nge na kuzaba yinki lusambu yayi zola zonza samu na beto. Yesu bikaka ve ti Satana bwisa yandi. Bantumwa yina Yesu soolaka kumaka bantu ya ntete ya Kimfumu. Lakisa mwana ya nge ti Yesu vandaka na tiya na mambu ya Nzambi. Samu na kusadisa bantu, Yesu belusaka bantu yina vandaka na bimbevo, yandi pesaka madya na bantu yina vandaka na nsatu, mpe yandi vumbulaka bantu ya kufwa. Yandi salaka bimangu yayi, samu na kulakisa bamambu yina Kimfumu ya Nzambi ke sala samu na bantu.