Bamambu ya kulongoka na kitini 13

Yesu kwizaka na ntoto na kupesa luzingu ya yandi samu na bantu ya masumu. Ata ti yandi kufwaka, yandi nungaka yinza. Yehova vandaka ya kukangama na Mwana ya yandi mpe yandi vutulaka yandi na luzingu. Tii na kilumbu ya lufwa ya yandi, na kukuluka nyonso Yesu sadisaka bantu mpe lemvokilaka bafoti ya bawu. Na manima ya kuvumbuka ya yandi na lufwa, Yesu talanaka na bilandi ya yandi. Yandi lombaka bawu na kusala kisalu ya mfunu mpe yandi lakisaka bawu mutindu ya kusala yawu. Kana nge ke kibuti, sadisa mwana ya nge na kuzaba ti beto mpe me bonga kutula diboko na kisalu yango bubu yayi.