Sadisa balongoki ya Biblia na kubika kusala kindiku na bantu yina ke zolá ve Yehova

Samu na kukuma ndiku ya Yehova, balongoki ya Biblia me lunga kulutisa ntangu na bantu yina ke na bifu ya mbote. (Nku 15:1, 4) Bandiku ya mbote ke sadisa bawu na kusala mambu ya mbote.—Bin 13:20; lff kileso 48.

Ya lenda vanda mpasi na balongoki ya Biblia na kubika bandiku yina ke na bawu na yinza. Na yawu, vanda na kisika ya bawu ntangu nge ke na sadisá bawu na kubika bandiku ya yimbi. Lakisa ti nge ke tudilá bawu dikebi ya tsyeleka ata bilumbu yina beno ke longoká ve. Nge lenda fidisa bawu ba-message, kubokila bawu, to kukwenda tala bawu. Ntangu ba ke na kulá na kimpeve, bokila bawu samu na kulutisa ntangu na bisadi ya nkaka ya Yehova. Na manima ba ke tala ti ba ke na kuzwá mambu mingi ya mbote kuluta mambu yina ba me zimbisa. (Mrk 10:29, 30) Nge mpe ke vanda na kilengi ntangu nge ke tala dikanda ya Yehova ke na kumá nene.

LUTISA VIDEO SADISA BA YINA KE LONGOKÁ BIBLIA NA NGE NA KUBIKA KUSALA KINDIKU NA BANTU YINA KE ZOLÁ VE YEHOVA, MPE NA MANIMA YUFULA BYUVU YAYI:

• Banani ke bandiku ya yimbi?—1Ko 15:33

• Wapi dikanisi vandá na Jade na faso bampangi ya kimvuka ke vukaná na kulutisa ntangu?

• Wapi mutindu Neeta me sadisa Jade na kubika bandiku ya yimbi mpe na kuzwa bandiku ya mbote?