Sadisa balongoki ya Biblia na kukulisa kindiku ya mbote na Yehova

Yehova zola ti beto sadila yandi samu beto ke zolak’ yandi. (Mt 22:37, 38) Luzolo yina balongoki ya Biblia ke vanda na yawu samu na Nzambi, ke sadisa bawu na kusoba luzingu ya bawu mpe na kukanga ntima na mantwala ya bampasi. (1 Yn 5:3) Kana ba ke zolá Nzambi, ya ke nata bawu na kuzwa mbotokolo (baptême).

Sadisa balongoki ya nge ya Biblia na kutala ti Nzambi ke zolá bawu. Yufula bawu byuvu mutindu: “Mambu yayi ke na longá nge yinki samu na Yehova?” to “Wapi mutindu ya ke na lakisá ti Nzambi ke zolá nge?” Bakisa bawu na kutala faso Yehova ke na sadisá mosi na mosi na bawu. (2Ns 16:9) Zonzila bawu faso Yehova pesá bamvutu na balusambu ya nge, mpe sadisa bawu na kutala faso Yehova ke pesa mpe bamvutu na balusambu ya bawu. Beto ke vanda na kilengi ntangu balongoki ya Biblia ke zaba ti Yehova ke zolá bawu. Beto ke vanda na kilengi mpe ntangu ba ke lakisa ti ba ke zolak’ Yandi mpe ke zola kukuma bandiku ya Yandi.

LUTISA VIDEO SADISA BALONGOKI YA BIBLIA NA KUKULISA KINDIKU YA MBOTE NA YEHOVA, MPE NA MANIMA YUFULA BYUVU YAYI:

• 

  Wapi mambu ya mpasi Jade kutaná na yawu?

• 

  Wapi mutindu Neeta sadisak’ yandi?

• 

  Yinki sadisá Jade na kununga mambu ya mpasi yina?