Sadisa ba yina ke longoká Biblia na nge na kubika kusala bima yina Yehova ke zolá ve

Kaka bantu yina ke na ndyatulu ya mbote ke vandá na kindiku ya ngolo na Yehova. (1Pi 1:14-16) Kana balongoki ya Biblia me bika bifu ya yimbi, ba lendá: vanda na santé ya mbote, kusadila mbote mbongo ya bawu, mpe kuvanda na dikanda ya kilengi.

Zonzila bawu pwelele faso ya Yehova ya kutadila bamambu, lakisa bawu mfunu ya yawu, mpe bambote yina ba ke kuzwa kana ba sadila yawu. Tula ntima na kusadisa balongoki ya nge ya Biblia na kusoba faso ya bawu ya kutadila bamambu. Ya ke sadisa bawu na kusala mambu yina Yehova ke zolaka. (Ef 4:22-24) Sadisa bawu na kuzaba ti na lubakusu ya Yehova ba lenda bika kusala mambu ya yimbi yina ba vandá salaka. (Flp 4:13) Longa balongoki ya Biblia na kulomba na Yehova yandi sadisa bawu ntangu ba ke na nsatu ya ngolo ya kusala mambu ya yimbi. Kindisa bawu na kutula mambu ya mbote na kisika ya mambu ya yimbi . Nge ke vanda na kilengi ntangu nge tala faso balongoki ya Biblia ke na sobá luzingu ya bawu na ngolo ya Yehova.

LUTISA VIDEO SADISA BA YINA KE LONGOKA BIBLIA NA KUBIKA KUSALA BIMA YINA YEHOVA KE ZOLÁ VE, MPE NA MANIAM YUFULA BYUVU YAYI:

• 

  Wapi mutindu bakuluntu na Neeta lakisá ti ba vandá tudila Jade ntima?

• 

  Wapi mutindu Neeta sadisá dyaka Jade?

• 

  Wapi mutindu Jade sosá lubakusu ya Yehova?