Nge ke kwandi ya kubongama samu na ‘kubaka ntoto’?

BONGAMA SAMU NA KUKUMISA NTOTO PARADISO

Ntangu Yehova pesá bantu musiku ya ‘kufulusa ntoto mpe kuyala yawu,’ yandi vandá lakisa ti ya ke vanda na kilumbu yina ntoto nyonso ke kuma paradiso. (Kub. 1:28) Ba yina ke zinga ntangu nyonso ke tumama na musiku yayi. Na kubanda, ba ke zinga ntete ve na paradiso samu jardin d’Éden ke dyaka ve. Kaka na manima ya Armagedoni, beto ke vanda na kisalu mingi ya kusala samu na kuyidika bisika nyonso yina me beba. Ya ke vanda kisalu ya nene!

Ya ke na bambulá beto kisalu ya nene yina vandá vingila bantu ya Izraele ntangu ba katuká na Babilone samu na kuvutuka na bwala ya bawu. Bwala ya bawu bikaná bamvula 70 na ata muntu. Kasi Izaya zonzá ti, na lubakusu ya Yehova, ba ke lenda kukumisa dyaka yawu kitoko. Mbikudulu yina yandi pesá vandá zonza: ‘Yandi ke kumisa ntoto-makanga ya yandi mutindu Edeni mpe yinsi ya kuyuma ya yandi mutindi kilanga ya Yehova.’ (Iza. 51:3) Yehova sadisá bantu ya Izraele na kulungisa yawu. Mutindu mosi mpe, na lubakusu ya Yehova, ba yina ke baka ntoto ke lenda kukumisa yawu paradiso. Bubu yayi, ya ke na bamambu yina nge lenda sala samu na kulakisa ti nge zola kutula diboko na kisalu yayi.

Na kifwani, sala bangolo ya nge nyonso samu yinzo ya nge vanda kaka na bunkete. Nge lenda sala yawu ata ti ba yina ke vandá pene-pene na nge ke mvindu. Nge lenda tula mpe diboko samu Yinzo ya Kimfumu mpe Salle d’ assemblées vanda kaka kitoko. Kana nge ke na makoki, nge lenda tula mpe diboko samu na kusadisa bampangi yina me kutana na bamambu ya mpasi mutindu bamvula ya nene. Ya ke lakisa ti nge ke na nsatu ya kusadisa bampangi. Nge lenda yufula: ‘Ya ke kwandi na bima yina mu lenda longoka kusala samu na kusadila yawu kana mu ke na bweso ya kukota na yinza ya malu-malu?’

BONGAMA SAMU NA KUKIPE BA YINA KE VUMBUKA NA LUFWA

Ntangu Yesu vumbulá mwana ya Yairusi, yandi zonzá ba pesa yandi kima ya kudya. (Mrk. 5:42, 43) Kukipe mwana ya kento ya bamvula 12 ke ve mpasi. Kasi, kanisa na kisalu nyonso yina beto ke vanda na yawu ntangu Yesu ke lungisa nsilulu yandi pesá ti “bantu nyonso na bandyamu ke kuwa ndinga ya Mwana ya Muntu, mpe ke vumbuka na lufwa.” (Yoa. 5:28, 29) Biblia ke zonzá ve na beto nyonso yina ke salama na ntangu yina. Kasi beto lenda kanisa ti ba yina ke vumbuka na lufwa ke vanda na nsatu ya madya, bilele mpe kisika ya kuvanda. Ya ke kwandi na bamambu yina nge lenda sala bubu yayi samu na kulakisa ti nge ke ya kubongama na kusala kisalu yayi? Ee, ya kele.

Na kifwani, ntangu ba ke zonzá ti ntwadisi ya circonscription ke kwiza tala kimvuka ya beno, nge ke pesá kwandi nkumbu samu yandi kwiza kudya na yinzo ya nge? Ya lenda vanda ti ba me filisa mpangi yina vandá salá na Béthel na kimvuka ya beno, to ntwadisi ya circonscription kisalu ya yandi me manisa. Ntangu ya ke salamá, nge lenda sadisa kwandi bawu na kuzwa kisika ya kuvanda? Kana lukutakanu ya nene to lukutakanu yina ke vuukisá bampangi ya babwala mingi me salama kisika yina nge kele, nge lenda tula diboko na kisalu yina ke salamá tekila ya banda mpe na manima ya yawu. Nge lenda vanda mosi ya ba yina ke yamba bampangi yina me katuka na babwala ya nkaka.

BONGAMA SAMU NA KULONGA BA YINA KE VUMBUKA NA LUFWA

Mambu yina beto ke tangá na Bisalu 24:15, ke natá beto na kukanisa ti ba milliards ya bantu ke vumbuka na lufwa. Mingi na kati ya bawu kuzwá ve bweso ya kuzaba Yehova tekila ba kufwa. Ba ke kuzwa bweso yayi ntangu ba ke vumbula bawu na lufwa.a Bisadi ya Yehova yina zaba kisalu ya kusamuna ke tula diboko samu na kulonga bawu. (Iza. 11:9) Charlotte, mpangi mosi ya kento yina samuná na Europe, na Amérique ya Sude mpe na Afrique ke na nsatu kilumbu yango kuma na mbangu. Yandi ke na zonzá na kilengi nyonso: “Mu ke na nsatu mingi ya kulonga bantu yina ke vumbuka na lufwa. Ntangu mu ke tangá disolo ya muntu yina zingá na ntama, ntangu ya nkaka mu ke zonzá na munu mosi: ‘Kana muntu yayi zabá kwandi Yehova, luzingu ya yandi zolá vanda kitoko.’ Mu ke na nsatu ya kuzonzila ba yina ke vumbuka na lufwa bambote nyonso yina ba ke kuzwa kana ba sadila Yehova.”

Ata bisadi ya Yehova yina zingá tekila Yesu kwiza awa na ntoto ke vanda na mingi ya kulongoka. Kanisa na bweso mpe kilengi yina beto ke vanda na yawu na kuzonzila na Danyele mutindu bambikudulu yina yandi soniká kasi yandi vandá bakula ve, lunganaka. (Dan. 12:8) To kulakisa na Rute mpe Naomi faso dikanda ya bawu kotá na mulonga ya bankooko ya Yesu. Ya ke vanda nsayi mingi na kusala kisalu ya nene ya kusamuna yayi, na ntangu yina ata kima ya yinza yayi ke kwamisa to ke baka makanisi ya beto.

Yinki nge lenda sala bubu yayi samu na kulakisa ti nge ke ya kubongama na kusala kisalu yayi? Nge lenda bongisa faso ya nge ya kulonga, mpe kulutisa ntangu mingi na kisalu ya kusamuna. (Mat. 24:14) Ntangu ya nkaka, nge lenda sala ve mingi na kati ya kisalu ya kusamuna samu nge me nuna to bamambu ya nkaka ke na kangá nge nzila na kusala mingi. Kasi bangolo nyonso yina nge ke sala ke lakisa ti nge ke na nsatu ya kulonga ba yina ke vumbuka na lufwa.

Kyuvu ya mfunu ni yayi: “Nge ke kwandi na nsatu ya kubaka ntoto?” Nge na vingilá kwandi na mbangu ntangu yina beto ke kumisa ntoto paradiso, beto ke kipe mpe ke longa ba yina ke vumbuka na lufwa? Nge lenda lakisa ti nge ke ya kubongama, na kusalá bubu yayi bisalu nyonso yina ba lenda lomba mpe na nge na kusala ntangu nge ke baka ntoto.