Bantu ya kimpeve ke bakaka mikanu ya mbote

Tanga Kubanda 25:29-34 samu na kutala kana Ezau na Yakobi bakaka mikanu ya mbote.

Sosa kuzaba mbote-mbote yinki disolo nyonso ke na zonzilaka. Yinki salamaka na mantwala? (Kub. 25:20-28) Yinki salamaka na manima?​—Kub. 27:1-46.

Sosa kuzaba mbote-mbote mwa bamambu ya fioti-fioti ya disolo yina nge ke na longokaka. Na ntangu ya ntama, wapi bweso mpe kisalu bana ya ntete vandaka na yawu?​—Kub. 18:18, 19; w10-F 1/5 13.

• Ya zola zonza kwandi ti samu muntu butukaka ya ntete yandi zola kuma nkoko ya Masiya? (w17.12-F 14-15)

Kanisa na bamambu yina nge lenda longoka, mpe sadila yawu. Samu na yinki bweso ya kubutuka mwana ya ntete vandaka mfunu mingi na Yakobi kasi ve samu na Ezau? (Ebr. 12:16, 17; w03-F 15/10 28-29) Wa’ faso Yehova vanda tadilaka bampangi zole yayi mpe samu na yinki? (Mal. 1:2, 3) Yinki Ezau bongaka na kusoba samu na kubaka mikanu ya mbote?

• Nge lenda yufula: Wa’ faso ntangu yina beto ke lutisaka samu na kulongoka ya beto ya dikanda ke lakisaka ti beto ke sepelaka na bamambu ya kimpeve yina Yehova ke pesaka beto?