MURU 70
Angelo Koolengeza Vyokuza Baluwa wa Yesu
Vathawi imo-iwa mu ulamulilo wa Kaisara Augusito, voopelekiwa lamulo loi Ayuda etene kawelele m’mizinda da waniwa ira kalembi-e mukaundula. Yosefe na Mariya koodowa wu Betelehemu wewo wali waniwa wa Yosefe. Vathawi inela Mariya ali angakede ala vang’ono ira abale.
Kangafiile wu Betelehemu, kafwanyile ira manyumba etene mbozaala moi kagonile mukhola. Vyevi vyoopangi-a ira Yesu abaluwele mukholamo. Mariya oomukuneela mwanoyo na nguwo dapama nomugonati-a modji-elamo viweto.
Vathawiyo, abusa amo-i kagona ukokolani vakwikwi na wu Betelehemu ing’anelanga khosa diwa. Mwazizizi, mgelo oofiya vamalo anayo kaliathu moi voowala na ulemelelo wa Yehova. Abusayo koova vinjinji koma mgeloyo oowawandela ira: ‘Kamuove. Ndizana uthenga osangalasa. Peeno Mesiya ubaluwa wu Betelehemu.’ Thawi ineyo, angelo anjinji kooneela mulengalenga teto koonga ira: ‘Alemekezeye Mulungu waudimu teto murendele ukale vailambo yavati.’ Vanduli viwa angelwayo kataoneile teto nawili. Kodi munoiziwa vyevyo abusayo kapangileathu?
Koowandelana ira: ‘Tiyemoni nidowe wu Betelehemu chineneveva.’ Thawi ineyo koomaruwa moi kangafiile koomuona Yosefe na Mariya kangali na mwaniwa mukholamo.
Uliwetene unoyo avwile vyevyo angelwayo kaawandelileathu abusayo oodabwa vinjinji. Mariya ooganizela vinjinji mawu aangelwayo moi kaadiwalile. Abusayo koowelela ukokolani ule kamuyamikelanga Yehova chifukwa ya vyetene vyevyo kaonileathu.
“Miyo ndakumele wa Mulungu teto ndili vano. Kandizile mofuna wanga koma Liye ngunoyo andirumile.” — Yohani 8:42