Yesu Oopanga Vyodabwi-a Vinjinji

Yesu ooza va ilambwela ira alaleelenga uthenga wapama wa Umwene wa Mulungu. Yehova oomuva-a zimu owela ira akwakwani-enga panga vyodabwi-a. Oopanga vyevi vofuna tonyi-eda vyevyo Yesu unaze liye apange aza aambeela lamulela ilambo yavatila. Yesu ookwakwani-a ili-a marenda aliyetene. Uliwetene wewo adowa liye, athu koomuvepa ira aaili-e moi oowaili-a. Oowaili-a athu o-oona, o-ovwa, okhwa viwalo, koma teto oochosa viwanda. Ngakale keda inda vyowara vyae muthu ooila. Uliwetene wewo Yesu udowile liye, athu koomu-arela. Thawi dimo-i oofuna kala vaeka koma athu koomu-arelave moi liye kaatamangi-a.

Dambo limo-i athu koozana muthu okhwa viwalo wu nyumba ineyo Yesu ali liye. Koma kataandile volowa chifukwa m’mbamo mookala athu anjinji. Eno athwayo koopovola vadimu va nyumba nomutiti-ela muthuyo muwari. Yesu angamuonile muthuyo oomuwandela ira: ‘Imelela uyendenga.’ Muthuyo oowambeela enda moi athu koodabwa vinjinji.

Yesu avolowanga mu mzinda umo-iwa, athu 10 okaana marenda a makate kooimela yavandendai nokuwa ira: ‘Yesu nikami-eni!’ Vathawi ineyo muthu okaana marenda a makate kaaloliwa kala vakwikwi na athu. Yesu oowawandela athwayo ira kadowe wu kachisi. Ilamulo ya Yehova yaonga ira muthu wamakate aila adowenga wu kachisi ira aoneele wa asembe. Kangali mundila, etene koozindikila ira kooila. Vyangaireile eno m’mo-i mwa athwale oowela dowa muyamikela Yesu teto oomutamanda Mulungu. Va athu 10 amakatale m’mo-i eka ngunoyo adowile muyamikela Yesu.

Vookala teto muzimai m’mo-iwa unoyo abulele wa chaka 12 moi oofunechecha angailile. Eno angamuonile Yesu oowambeela mu-arela moi vanduli viwa oo-inda mpepetele mwa malayae aunde. Thawi ineyo ooila. Vyangaireile eno Yesu oofuka ira: “Mbaani undi-indile?” Muzimaiyo oova, komave ooza vakwikwi nomuwandela Yesu vyoona viwa. Yesu oomulimbikisa vomuwandela ira: ‘Mwanawe dowa mwamurendele.’

Koma teto sogoleli m’mo-iwa wa usunagoge zina lae Yairo oomuvepa Yesu ira: ‘Tiyemoni nidowe wani-u ira mwamuili-e mwananga wa-iyana unoyo unabulela vinjinji.’ Koma Yesu aanafiye waniwa wa Yairo, mwanoyo ookhwa. Yesu angafiilewo, oofwanya athu anjinji anayo kazile za kala na banjalo vathawi yoruchela. Yesu oowawandela ira: ‘Kamuule, mwanola kanakhwe koma unaagona.’ Vanduli viwa oo-inda ndanda la mwanoyo noonga ira: “Sikanawe venya!” Thawi ineyo oovenya moi Yesu oowawandela makolwae ira kamuva-e yodja. Kodi munaganiza ira makolwae a mwanoyo kavwile avi kangaonile ira mwaniwoyo uli moyo?