Yesu Oosakula Anamarumiwa 12

Yesu angalaleele wa chaka imo-i na hafu, afuneya ira apange vimo-i viwa vyene vyofuneya vinjinji. Afuneya sakula athu avadela ira ka-indengana chito yolaleela. Athwala kafuneya teto funji-iwa ira kaze kawande sogolela pingo Waikristu liye aza adowa udimu. Yesu oona ira vyali vyofuneya ira Yehova amusogolele vosakula athwayo. Eno oodowa umwango waeka moi oopempela ma-iyu wetene. Wangachile, oowaitana ofunjedae amo-i moi oosakulavo athu 12 oyi kakale anamarumiwa. Kodi munoumbuwela maziniwa? Kali Petulo, Andireya, Yakobo, Yohani, Filipo, Batolomeyo, Tomasi, Mateyu, Yakobo mwana wa Alifeyo, Tadeyo, Simoni na Yudasi Isikariyoti.

Anamarumiwa 12 anala kalaleela na Yesu. Vanduli vowafunji-a, koowambeela laleela ekiwa. Yehova oowava-a kopolo moi koowanda kumi-a viwanda koma teto ili-a obulela.

Yesu oona ira anamarumiwae 12 anala mba asamwalae moi oowaroromela. Koma Afarisi kaganiza ira anamarumiwayo kali oofunjeda koma teto athu wamba. Koma Yesu oowafunji-a ira ka-indenga pama chitwiwa. Anamarumiwayo kookalave na Yesu vathawi yorucha. Mwaisazo, aluwa kookalavo Yesu angakede ala vang’ono phiwa koma teto angavenyi-iwe. Mofwanafwana na Yesu anjinji mwa anamarumiwala kali okumela wu Galileya. Teto amo-i kali otela.

Koma anamarumiwala kali ochimwa ngati iyene moi koolakwi-a vyongo vimo-i. Thawi dimo-i koonga kaanaganize koma teto koosakula vyongo molakweya. Moi thawi dimo-i kataleza murima koma teto kookangana ira ndimuwa mbaani vaari viwa. Komave anamarumiwala kali athu apama moi koomuomeliwana Yehova. Aluwa mbanayo kali athu owambeela kala mupingo Waikristu Yesu angadowile udimu.