Yesu Oodji-a Athu Anjinji

Dambo limo-i anamarumiwa kooza kumela wewo kalaleelaathu. Vathawi inela, wali wangakede ala malambo oyeva ira Pasika wa mu 32 C.E., aireye. Anamarumiwayo kali kangagomile vinjinji, moi Yesu oomaruwa na aluwa dowa wu Besaida ira kavume. Koma kangaandamele ukumani koona ira athu anjinji koofiya wale moi kananaadedi-a. Ngakale ira yali thawi yoi avume na ofunjedae, Yesu oowawachela pama. Ooili-a obulela etene moi vanduli viwa oowambeela afunji-a. Yesu oowafunji-a vya Umwene wa Mulungu dambo letene. Eno mazulo, anamarumiwa koomuwandela ira: ‘Athwala-i kookaana ndala. Awandeleni kadowenga ira kasaele yodja.’

Yesu oosomeda ira: ‘Katidowe. Nyo muwava-e yodja.’ Anamarumiwayo koomufuka ira: ‘Munatapulela ira nidowe naagulele yodja?’ Eno nama- rumiwa m’mo-iwa zina lae Filipo oonga ira: ‘Ngakale naakaena ndalama dinjinji kanakwakwani-a gula yodja ya athu etene anala.’

Yesu oowafuka ira: ‘Yodja ineyo nin’na iyo choinjiva moi avi?’ Andireya oosomeda ira: ‘Choyeva vinjinji, nikede kaana mikate 5 na somba mbin’li ba-i.’ Vanduli viwa Yesu oonga ira: ‘Zanani.’ Eno oowawandela athu ira kagarati va manachi m’magulu a athu 100 kapena 50. Yesu oolanda mikate na sombado noing’ana udimu moi oopempela. Vanduli viwa oopeleka yodjeyo wa ofunjedae teto ofunjedayo koopeleka wa athwale. Vali alombwana 5,000 koma teto a-iyana na a-ima koma etene koodja norumbala. Anamarumiwayo koododela vyo-ala na yolinga yoi kavatatiliwe iliyetene. Vyo-alavyo vyakwakwanile mabeseni 12. Vyevi vyali vyodabwi-a vinjinji.

Athu kangaonile vyevi koodabwa vinjinji moi kafuna ira Yesu akale mweniwa. Koma Yesu ooiziwa ira inela kayali thawi ineyo Yehova afuna liye ira akale mwene. Vanduli viwa oowawandela athu etene ira kadowenga moi liye na anama- rumiwae koodowa ukombela imo-i ya nyanja ya Galileya. Anamarumiwayo koogwela ngalawa koma Yesu oodowa eka umwango ira apempele wa Babae. Yesu ooesaesa fwanya thawi yopempela ngakale ira ootanganisiwa vinjinji.