Yesu Ooenda va Nyanja

Enjedela va vyodabwi-a vyevyo Yesu apangile liye monga ili-a obulela koma teto venyi-a okhwa, Yesu ookwakwani-a teto lamulela lipevo koma teto zongwe. Dambo limo-i Yesu angamari-ile pempela m’mwango oona ira va nyanja ya Galileya vookala lipevo lakopolo na mafunde. Anamarumiwae kali mungalawa moi koolimbana na lipevo va nyanjavo. Eno liye ootita m’mwangomo nowambeela enda va nyanja dowa wewo wali ngalawa na anamarumiwayayo. Anamarumiwayo kangamuonile muthu aendanga vama-inje koova. Koma Yesu oowawandela ira: ‘Kamuove ngumiyo.’

Petulo oonga ira: ‘Mbwiyeni akala mulinyo ndiwandeleni ndize wewo mulinyowo.’ Yesu oomuwandela ira: ‘Unokoza za.’ Eno Petulo ootita mungalawa mule nowambeela enda vama-inje dowanga wewo wali Yesu. Koma angaandamele fiya ooing’ana lipevo la kopolo lelo lali va nyanja vale. Angairile eno oova moi oowambeela bwina. Liye ookuwa ira: ‘Mbwiyeni ndikami-eni!’ Yesu oomu-inda ndanda nomufuka ira ‘Chifukwa n’ni wambeele kaikela? Iroromelo yawo ili waani?’

Yesu na Petulo koogwela mungalawa mule moi thawi ineyo lipevo loo-iya. Kodi munaganiza ira anamarumiwayo kavwile avi? Aluwa koonga ira: “Nyo muli Mwana wa Mulungu.”

Ula kawali ulendo owambeela vevo Yesu apangile liye vyodabwi-a ngati vyevi. Vathawi imo-iwa angali limo-i na anamarumiwae mungalawa Yesu oodowa unduli wa ngalaweyo nowambeela gona. Liye agonanga va nyanjavo voowambeela lipevo la kopolo. Mafunde koowambeela vaza ngalaweyo moi mungalawamo moovolowa ma-inje. Anamarumiwayo koomuvenyi-a nomuwandela ira: ‘Mphunzisi ninokhwa-i, ninavepa ira munikami-e.’ Yesu oowandela lipevolo ira: “Iya kala pee.” Thawi ineyo lipevolo loo-iya moi va nyanjavo vookala bata. Eno Yesu oowafuka anamarumiwayo ira: “Iroromelo inyu ili waani?” Anamarumiwayo koowambeela wandelana ira: “Ngakale lipevo na nyanja vinomuvwela.” Aluwa koofunjedavo ira akala kanamuroromela vinjinji Yesu, katinafuneela oova yongo iliyetene.