INGUMI-U YA IKIRISTU

Indi-edani Chito Borosha na Buku loi Sangalalani na Ingumi Dowa no Dowa!

Chapama kaana borosha lisha koma teto buku lisha ira nifunji-engena athu Baibulo! Ninavepa Yehova ira araeli-e kopolo di-u vopanga ofunjeda anjinji. (Mt 28:18-20; 1Akor 3:6-9) N’nga nina-indi-ede avi chito vyongo vishavi?

Ndila dofunjedela Baibulo vo-indi-eda chito mabukwala dinakala do-iyana na dedo nalemeelile iyo. Ndila do-areladi dinoukami-ani kozeela ira mufunji-e Baibulo.a

Welengani mwasa wetene era eeno mutapanye na wofunjedinyu
Welengalani limo-i malemba anayo kalembiwe ira “welenga” vamo-i welengani, era eeno mukami-edeni vwechecha mwemo malembayo munagwilizanelaathu na mwasoyo
Oni-ani mavidiyo no indi-eda chito vyofuka ira mutapanye vyevyo viwonile liye
Mwafunjedanga mumari-enge muru wetene

Wolaleela, yowambeela gawelani borosha ira muwone akala muthuyo unofuna funjeda. (Onani bogosi loi “Kodi ninagawele avi borosha loi Sangalalani na Ingumi Dowa no Dowa! va Ulendo Owambeela.”) Mwamari-a borosha letene teto akala muthuyo unofuna ira afunjedengeve m’va-eni buku no ambeela va muru 4. N’nga munaire avi akala ira munafunjeda na muthu buku loi Zimene Baibulo Limaphunzitsa vamo-i loi Kodi Mungatani Kuti Mulungu Azikukondani? Iyani mabukwayo nowambeela funjeda buku lisha loi Sangalalani na Ingumi Dowa no Dowa! sakulani muru wogwilizana no dowa vasogolo wa wofunjedinyu era eeno muwambeele vevo.

Banja limo-ive lelo linai-ndi-eda chito buku loi “Sangalalani na Ingumi Dowa no Dowa!” vofunjeda Baibulo na mulombwanole vande viwa.

ONI-ANI VIDIYO YOI TAKULANDIRANI KU PHUNZIRO LANU LA BAIBULO ERA EENO, SOMEDANI VYOFUKA VYO-ARELAVI:

Kodi ofunjeda Baibulo kanafunjede n’ni na buku lishali?
Mwasiwa ngwan’ni uli wofuneela woni-a vidywela wa ofunjeda Baibulo asha?
Kodi pi vyolinga vivi vyevyo munakami-ede nyo wofunjedinyu ira akaena koma teto vikwakwaneli-eda?— Onani bogosi loi “Vyolinga vya muru wonola”

a ONANI IRA: Nyo podi sakula akala muna-ini-ede chito mbali yoi “Onani Vimo-i.” Masiki vyangalive eeno, mwadowanga wofunji-a saelani thawi yoi muwelenge mbali yetene ya muruyo eeno nyo munowandha wona akala mwasoyo unakami-ede wofunjedinyu. Buku lava interneti liikaana malinki amavidiyo na miru dimo-i.

YOLINGA YA CHIGAWO ILIYETENE
	MIRU	YOLINGA YA MURU ULIWETENE	VYOLINGA VYA WOFUNJEDA
1	01-12	Tapanya mwemo Baibulo munaukhami-edeleniaathu koma teto mwemo munamuiziwele nyo onoyo alilembile	Mukami-edeni wofunjedinyu ira awelengenge Baibulo, kozeela funjeda waye, koma teto ira ambeele onela migumano
2	13-33	Tapanyani vyevyo Mulungu vinaniirela liye koma teto vyevyo vinaire iyo ira lambela wi-u ukale wosomedeleya wa liye	Mukami-edeni wofunjedinyu ira awongenge na athu amo-i makundo a m’Baibulo koma teto ira aze akale wolaleela wo-obadiziwa
3	34-47	Funjedani vyevyo munafuneela nyo irana ira m’muziveluwengana Mulungu	Mukami-edeni wofunjedinyu ira aviveleele wa Yehova no badiziwa
4	48-60	Funjeda vyevyo munaire nyo ira Mulungu auwomeliwenganani	Mukami-edeni wofunjedinyu ira a-iyani-enga yapama na yotakala ira akale va umweendi wolimba na Mulungu