Makundo Okami-a Vofunjeda

Muwambeelenga na Vyongo Vyofuneya Vinjinji

Etene iyene ninokaana thawi yoyeva yoi nifunjede vaeki-u. Ndiye kodi ninaire avi ira ni-indi-edenga chito pama thawi-u? Yowambeela, mukalenga na thawi yokwakwanela yoi muwelenge. Munokoza pindula vinjinji akala munafunjeda mosamala vyongo vyoyeva iyana nofunjeda vyongo vinjinji motamanga.

Eno muwonenga ira vyongo vyofuneya vinjinji piivi. (Aife. 5:15, 16) Kaganizelani makundo ala:

• Muwelengenga Baibulo dambo lililetene. (Sal. 1:2) Ndandanda yowelengela Baibulo ya misonkano da muwari mwa mulungu inokoza kala vowambeelela vapama.

• Mukozeelenga Phuzilo la Sanja ya Olonda koma teto misonkano da muwari mwa mulungu. Mukalenga okozeya dowa peleka ndemanga. — Sal. 22:22.

• Akala pivyowandeya, muesaesenga fwanya thawi yowelenga vyongo vimo-i visha monga magazini ogawela koma teto vyongo vyevyo vi-eliwe va jw.org.

• Mukozenga vyoi mufunjede khani imo-iwene. Munokoza fufuza vyokuza vuto limo-iliwalene lelo munagumanana nyo, yofuka ineyo mun’na nyo kapena khani imo-iwene ya m’Baibulo ineyo munafuna nyo ivwechecha. Ira mufwanye makundo amo-i oyi mufunjede, dowani va jw.org va gawo loi “Zoti Muchite Pophunzira Baibulo.”