‘Musungenga Murendele Unoyo Ninaufwanya Iyo Mokami-iwa na Zimu Owela’
NAMARUMIWA Paulo aongile ira Akristu awu Efeso kafuneya pitiliza ‘lolelana chifukwa ya chikondi, noesaesa na murima wetene sunga murendele unoyo ninaufwanya iyo mokami-iwa na zimu owela, vokala mwa murendele unoyo uli ngati yomangela ineyo inaniigwilizani-a.’— Aife. 4:2, 3.
“Murendele,” unoyo ninauomeluwana iyo unaza chifukwa ya “zimu owela.” Vyevi vinatapulela ira pivyo-arelavo vya kopolo da Mulungu. Koma monga mwemo Paulo aongele liye, ngwilizano unola unafuneya ulimbi-anga. Chifukwa n’ni? Onga vyoona, Mkristu uliwetene unafuneya panga mbalae ira alimbi-enga ngwilizano “unoyo ninaufwanya iyo mokami-iwa na zimu owela.”
Mwaisazo, Nierekeze ira muthu m’mo-iwa uuva-ani njinga ya mulo isha. Kodi muthu unoyo uuva-ileni njinga ya mulweyo ngunoyo unakaena udindo oisamalela yaonongeya? Naari. Akala nyo kamunaisamalele njinga ya mulweyo mpakana fiya voonongeya, kamunafuneya muimba mulandu muthu unoyo auva-ileni njinga ya mulweyo.
Mofwanafwana na isazo inela, ngakale ira ngwilizanwi-u chiphaso ineyo Mulungu univa-ile liye, uliwetene wa iyo ukaana udindo oulimbi-a ngwilizano unola. Akala kanili va murendele na m’bali kapena murongola m’mo-iwene, ninafuneya vifuka ira: ‘Kodi ndinopanga mbalanga volimbi-a murendele unoyo ninakaana iyo mokami-iwa na zimu owela vomali-a khaniyo mombaraanya?’
‘MUESAESENGA NA MURIMA WETENE LIMBI-A MURENDELE’
Mofwanafwana na mwemo Paulo aongele liye, thawi dimo-i ninofuneela esaesa mwatindi ira nilimbi-e murendeli-u. Koma thawi dimo-i panga vyevi unokoza kala orucha vinjinji simbwasimbwa m’bali kapena murongola anikumudwi-a. Koma kodi limbi-a murendele unatapulela ira thawi detene nidowenga wa muthu unoyo unikumudwi-ileyo dowa onga vya vutolo? Naari. Vifukeni ira: ‘Akala miyo ndinapange Vyevyo, kodi ndinopangi-a ira vutolo limale kapena lipitilile?’ Thawi dimo-i, vinokoza kala pama keda inyalanyaza khaniyo kapena keda mukululukela muthuyo. — Miya. 19:11; Maliko 11:25.
Vifukeni ira: ‘akala miyo ndinadowe wa muthu unoyo undikumudwi-ile dowa onga vya vutolo, kodi ndinopangi-a ira vutolo limale kapena lipitilize ulukula?’
Monga mwemo Paulo alembele liye, ninafuneya pitiliza “lolelana chifukwa ya chikondi.” (Aife. 4:2) Buku limo-iliwa laongile ira mawu anala kanokoza tapuleliwa ira “somedela mwemo athu kaliliathu”. Vyevi vinatapulela ira ninafuneya somedelanga ira abali na arongoli-u mbookaana ungwilo koma teto mbochimwa, ngati mwemo nilili iyo. Pivyoona ira ninana esaesa ‘wara umuthu usha’. (Aife. 4:23, 24) Koma kalivo uliwetene wa iyo unoyo unakwakwani-e panga vyevi mo-olakwi-a vyongo. (Arom. 3:23) Nazindikila vyevi, vinaza vikala vyo-orucha lolelana uliwetene na fwae chifukwa ya chikondi, kululukelana, koma teto “limbi-a murendele unoyo ninakaana iyo mokami-iwa na zimu owela.”
Akala muthu m’mo-iwa unikumudwi-ile koma nimali-a khaniyo voinyalanyaza m’murimani mwi-u, ninolimbi-a murendele unoyo uli ngati “yomangela ineyo inanigwilizani-a.” Mawu a igiriki anayo kaatapuleleathu ira “yomangela ineyo inanigwilizani-a” va Aifeso 4:3 kootapuleliwa teto ira “misempha” va Akolose 2:19. Misempha tidakopolo moi dinolumikiza makuva. Mofwanafwana na vyevi, murendele koma teto chikondi ineyo nin’na iyo wa abali na arongola inonikami-a pitiliza kala ogwilizana na aluwa ngakale ira kaninasangalala na vyevyo kanapangaathu.
Akala m’bali kapena murongola uukumudwi-ileni, esaesani muvwechecha nomutonyi-eda chifundo m’malo momuweluza. (Akol. 3:12) Chifukwa yoi etene iyene nili athu ookaana ungwilo, mwina nyo teto mooambeela mukumudwi-avo muthu m’mo-iwa. Umbuwela vyevi unoza uukami-eni panga m’balinyu “volimbi-a murendele unoyo ninakaana iyo mokami-iwa na zimu owela.”