Vyevyo Vinakami-e A-iyana Anayo Kanapangeliwa Nkhaza

Anala mbamawu owambeela anayo kali mu khani yava saiti-u ya jw.org ya muru oyi “Kuteteza akazi— zimene Baibulo limanena.” Link ineyo ili umapeto wa khanila inoukami-ani ira muwande panga dawunilodi khanila koma teto purinta noivinda mundila yoi ikale mapepala 4. Murongola m’mo-iwa wau United States zina lae Stacy aongile ira: “Ndingapangile purinti mapepalala, miyo na murongola m’mo-iwa noodowa umalo amo-iwa osungelawo azimai anayo kanapangeliwa nkhaza anayo kali mugawo la mpingwi-u.

Muzimai m’mo-i unoyo una-inda chito vamalwayo oovepa akala vanafwanyeye mapepala amo-iwa anayo unagawele liye wa azimai anayo kanakala vamalwayo. Vyo-arelavo viwa, mapepala amo-iwa okwaranya 40 kootumiziwa umalwayo limo-i na makhaadi 30 okami-a athu iziwa vya saiti-u ya jw.org. Kangadowile teto ulendo o-arela oing’anela maloyo oovepa ira Ambonayo kaatonyi-ede athu anayo kanakala vamalwayo mwemo kanafunjedelaathu Baibulo.

Stacy na arongola amo-i ambiili koogumana teto na vyokala ngati vyevi vevo kadowileathu umalo amo-iwa anayo kanasungelaoathu azimai anayo kanapangeliwa nkhaza wewo kagaweleathu mapepala 5 moi athwayo koovepa teto mapepala amo-iwa oenjedela. M’mo-i mwa o-inda chito umalwayo aongile ira: “Pepalela ikami-a vinjinji azimai uno,” oopitiliza teto onga ira: “Vyevi pivyevyo nafuneela iyo.” Vaulendo o-arela athu anjinji anayo kanakala vamalwala koosonkana ira kaone mwemo phuzilo la Baibulo linairelaathu, moi athu ambiili kootonyi-eda chidwi yofuna za fwanyeya vamisonkano da umapeto wa mulungu Unyumba ya Umwene.

Stacy aongile ira: “Nipanga chidwi na mwemo athu kasangaleleathu wachela khani inela, niona ira napurinta koma teto vinda mapepalala inakala ndila yapama vinjinji yolaleelala uthenga wapama wa Umwene wa azimai anala anayo kanapangeliwa nkhaza. Vyoonikuza vinjinji ona mwemo athwayo kasangalalelaathu, moi vyali vyosangalasa ona mwemo Yehova adalisele liye tindi li-u ira nilaleele athu anala uthenga wapama.”