N’nga Chin’ni Inafuna za Ireela Vipembezo?

1. N’nga vipembezo vyethene phi vyaphama?

Mu vipembezo vyetene mu-ukhala athu aphama. Timilanyo daphama iziwa ira Mulungu unowona, koma thetho ira unothamaala athu ethene aphama kali mu vipembezo, mbwenye yovwi-a tangaranga choi athu kano-indi-eda chito vipembezo mookhala phaama. (2 Akorinto 4:3, 4; 11:13-15) Mogwilizana na vyevyo malipoti a undhe kanawongaathu, vipembezo vimo-i penova divolowela mu uphanga, pha athu oinjiva thawi imo-ive, khondo, no irela a-ima uwalanga. Vyevyi vinovwi-a tangaranga athu aphama anayo kanamuroromela Mulungu! — Welengani Mateyu 24:3-5, 11, 12.

Vevo ipembezo ya imbarimbari inamuri-edaathu Mulungu, ipembezo yonama inoomunyoza. Inofunji-a maubuwelelo anayo ka-ali m’Bayibulo, n’nga funji-a vyonama vowonga vya Mulungu koma thetho athu okhwa. Mbwenye Yehova unafuna ira athu kaiziwe imbarimbari yoonga vya liye. — Welengani Ezekiyeli 18:4; 1 Timoteyu 2:3-5.

2. N’nga chin’ni inafuna za ireela vipembezo?

Mulungu kananami-eya na vipembezo vyevyo vinawonga ira kanomuwomeliwana, angali mwa imbarimbari kanawomeliwana ilambo ya Satana. (Yakobo 4:4) Mazu a Mulungu kanawonga ira vipembezo vyethene vyonama ngu “Babiloniya mulukulu.” Babiloniya ali murunda mulukulu wa wale wewo ipembezo yonama wambelele-athu vanduli va igumula ya thawi ya Nowa. Chinene veva, Mulungu unoza amali-e vipembezo vyethene vyevyo vinanami-a no zuzumi-a athu. — Welengani Chivumbuluso 17:1, 2, 5, 16, 17; 18:8.

Milanyo daphamadi kadinamalela eva. Yehova kanadiwala athu aphama anayo kali mu vipembezo vyonama va ilambo yethene ya vathi. Uliye unana afunji-a imbarimbari athu anala nowakhami-a ira kakhumemo mu vipembezo vyonama. — Welengani Mika 4:2, 5.

3. N’nga athu aphama anayo kanafuna mulambela Mulungu kanafuneya khere avi?

Yehova unafuna athu anayo kanafuna iziwa imbarimbari no irana vyaphama. Uliye unowalimbi-a ira ka-iye ipembezo yonama. Athu anayo kanamuwomeliwana Mulungu kanosomeda chenja mikhalelo diwa ira kamuwomeli-e Mulungu. — Welengani Chivumbuluso 18:4.

Mu thawi ya anamarumiwa, vo-okhala athu owona murima anayo kavwile nosomeda na murimiwa wethene milanyo daphama dokumela wa Mulungu, dedo dawongiwe na anamarumiwa. Yehova owafunji-a mukhalelo muxa wa ingumi ya imwerumweru, yokhaana yolinga koma thetho idedi-edo. Aluwa ti lifwanafwani-o laphama wa iyovano na mwasa woi koosomeda milanyo dokhumela udimu thetho ko-omu-ela Mulungu va malo owambeela va igumiwa. — Welengani 1 Atesalonika 1:8, 9; 2:13.

Athu anayo kana-iya ipembezo yonama, Yehova unowawachelela mu banja laye la anamalabela a imbarimbari. Nyovo mwasomeda ithaniwa waphama na Yehova munokhala va umweendi waphama na uliye, munokhala mu banja la athu anayo kanamulambela Yehova mwa zivelo, thetho munoza mukhaena ingumi yo-omala. — Welengani Maliko 10:29, 30; 2 Akorinto 6:17, 18.

4. N’nga mwasiwa ngwan’ni mala wa vipembezo vyonama dili milanyo daphama?

Mulungu unoza anoonge vipembezo vyethene vyonama. Kavinaza vikhala ipembezo yeneyo inafuna za nami-anga no agaani-a athu. Athu ethene kanoza kakhale va unamo-i womulambela Mulungu m’mo-i baa-i wa imbarimbari. — Welengani Chivumbuluso 18:20, 21; 21:3, 4.