Kodi Yobu Ali Mbaani?

Mu ilambo imo-iwa yoromoliwa Uzi mookala muthu m’mo-iwa unoyo alambela Yehova. Zina lae ali Yobu. Liye ookaana banja lilukulu koma teto ali olemela vinjinji. Yobu ali ooma murima, teto ookami-a osauwa, azimai amasiye koma teto a-ima amasiye. Koma kodi liye kaagumana na mavuto chifukwa yoi ali muthu wapama? Naari.

Satana oona vyetene vyevyo Yobu apanga liye, ngakale ira Yobuyo kaaiziwa vyevi. Yehova oomuwandela Satana ira: ‘Kodi umuona mtumikanga? Va ilambo yetene kavili muthu olungama ngati liye. Liye unondivwela koma teto unopanga vyongo vyofwanelela.’ Eno Satana oosomeda ira: ‘Pivyoona ira Yobu unouvwelani. Koma chifukwa yoi munomuteteza koma teto mumudalisa. Mumuva-a malo apama koma teto viweto. Koma mwangakede muwaka vyongo vyevi unokoza iya uvwelani.’ Yehova oomusomeda ira: ‘Ndiulola ira wamushishe koma kumuphe.’ Chifukwa n’ni Yehova alolile ira Satana amushishe Yobu? Chifukwa yoi ooiziwa ira Yobu unokalave ororomeleya.

Satana oowambeela mushisha Yobu vomuzi-eda mavuto o-iyana-iyana. Yowambeela oopangi-a ira athu oromoliwa Asabeya kabe ng’ombe na abulwae. Vanduli viwa khosa dae doovya na mulo. Vooza teto athu oromoliwa Akasidi anayo kabile ngamila dae detene. Koma teto achito anayo kaing’anela viweto vya Yobu koophiwa. Koma-i kavyali vyooka vyevi. Dambo limo-i a-ima etene a Yobu kangali m’mba kapanganga phwando, mwazizizi nyumbeyo yoogwa nopha a-ima etene anayo. Yobu oovwa chisoni vinjinji na vyetene vyevi, komave liye ka-iile lambela Yehova.

Satana aganiza ira Yobu unokoza iya muvwela Mulungu, vanduli vogumana na mavuto amo-iwa teto. Eno oopangi-a ira Yobu akaena mabala ovoreya vinjinji thuthu letene. Yobu kaaiziwa ineyo yapangi-a vyetene vyevi, koma oopitiliza muvwela Yehova. Mulungu oona vyetene vyevi moi oosangalala vinjinji ona ira Yobu ookalave ororomeleya.

Vanduli viwa Satana ootumiza athu aralu wa Yobu. Aluwa koomuwandela Yobu ira: ‘Weyo uchimwela Mulungu koma unaabisa. Eno Mulungu unaulanga chifukwa ya vyevyo.’ Koma Yobu oosomeda ira: ‘Kavili iliyetene yolakweya ineyo ndipangile miyo.’ Koma vyangaireile vyevi Yobu oowambeela ganiza ira Yehova ngookaana chilungamo moi ngunoyo apangi-a mavutwae.

Muthu m’mo-iwa oyevelavo kwaranya athu aralwale, zina lae Elihu akeda vuruwana vevo athwala kakambilanaathu. Koma vanduli viwa oosomeda ira: ‘Vyevyo etene nyen’ne munaonga nyoovi kai vyoona. Yehova ngwavadimu vinjinji. Teto iyo athu kaninawande vwechecha vyoira vyae vyetene. Liye kanapange vyongo vyotakala. Unoona vyetene teto athu kavuteyanga unowakami-a.’

Eno Yehova oonga na Yobu ira: ‘Kodi weyo wali waani vevo ndalenga miyo udimu na ilambo yavati? Chifukwa n’ni unaonga ira ndinopanga vyongo mookaana chilungamo? Unakeda onga vyongo vyevyo wa- anaviziwawe.’ Yobu oozindikila ira ooganiza molakweya. Moi oonga ira: ‘Pepani ndichimwa. Ndakeda vwa vya nyo, koma vano ndiuiziwani. Kilivo ineyo kamunakwakwani-e nyo ipanga. Mundikululukele chifukwa ya vyevyo ndaongile miyo.’

Eno maeselo a Yobu koomala teto Yehova oomuili-a. Oomuva-a teto vyongo vinjinji kwaranya vyevyo an’na liye vowambeela. Yobu ookala na moyo osangalala koma teto wa chaka dinjinji. Yehova oomudalisa chifukwa yoi oomuvwela ngakale va mavuto. Kodi nyo teto munokoza kala ngati Yobu muvwelanga Yehova ngakale va mavuto?