Mwene Owambeela wa Aisaraeli

Yehova oowava-a Aisaraeli oweluza ira kaasogolelenga. Koma aluwa kafuna ira kakaena mwene. Eno koomuwandela Samueli ira: ‘Athu amitundu detene kokaana mamwene. Iyo teto ninafuna nikaena mweni-u.’ Vyevi kavyamusangalasile Samueli, eno oopempela wa Yehova vyokuza khani inela. Koma Yehova oomuwandela ira: ‘Athwala katinaukoonda weyo koma kanandikoonda miyo. Uwawandele ira pivyowandeya ira kakaena mwene koma kaiziwe ira mweneyo inoza ifunenga vyongo vinjinji vyokumela wa aluwa.’ Koma athwayo koonga ira: ‘Kavili vuto, iyo ninafuna mwene ba-i.’

Yehova oomuwandela Samueli ira Sauli ngunoyo unakale mwene owambeela. Eno Samueli oomuzoza Sauli vomu-ela makura vamuru vae vevo Sauliyo adowile liye wu Rama dowa muona.

Vanduli viwa, Samueli oowaitana Aisaraeli etene ira aaoni-e mweniwoyo. Koma Sauli kaafwanyeya. Kodi munoiziwa wewo ali liye? Liye ali angavitaalile vaari va katundu. Eno kangamufwanyile, koomuimeli-a vaari va athu. Sauli ali ooneya pama vinjinji koma teto olapa kwaranya uliwetene. Samueli oonga ira: ‘Yehova umusakulile unola.’ Athwayo kookuwa ira: ‘Mwene akale na moyo wolapa!’

Vowambeela Sauli oomuvwela Samueli koma teto Yehova koma vanduli viwa oo-iya vwela. Mwaisazo, mwene kaafuneya peleka sembe. Koma thawi imo-iwa, ngakale ira Samueli ali angamuwandelile Mwene Sauli ira amudedi-e, liye aona ira unaadimbeliwa. Eno oopeleka sembe. Kodi Samueli apangile avi? Liye oomuwandela ira: ‘Kamupangile pama veva, kamuvwele lamulo la Yehova.’ Ngakale vyali eno, Sauli kafunje- dilevo yongo.

Thawi imo-iwa, Sauli angadowile wana na Aamaleki, Samueli oomuwandela ira adowe aononge iliyetene mu ilambweyo. Koma liye oomu-iya mwene wa wewo zina lae Agagi, oomupha. Yehova oomuwandela Samueli ira: ‘Sauli u-iya ndi-arela koma teto kanandivwela.’ Samueli angavwile vyevi, ookumudwa vinjinji moi oodowa muwandela Sauli ira: ‘Chifukwa yoi kamunavwela Yehova, liye unosakula mwene m’mo-iwa.’ Vevo Samueli atembenuwa liye ira adowenga, Sauli oo-inda malayae aunde moi koong’ambeya. Vyangaireile eno, Samueli oomuwandela ira: ‘Yehova ung’amba umwene nouchosa wa nyo.’ Vyevi vyatapulela ira Yehova unoza apeleke umwenoyo wa muthu unoyo unamuomeliwana koma teto muvwela.