Mwene wa Iyana Otakala Oolangiwa

Ahabu angali m’mba mwae wu Yezereeli, aing’ananga valuwindo oona munda wa mpesa wa Naboti. Ahabu ooufuna vinjinji mundoyo teto oomuwandela Naboti ira amuguli-ele. Koma Naboti ookoonda chifukwa Ilamulo ya Yehova yookoondi-a athu guli-a vyongo vyevyo kava-iwileathu na makolwiwa. Kodi Ahabu oosangalala ira Naboti upanga vyofwanelela? Naari. M’malo mwiwa liye oolunduwa vinjinji moi ookoonda yodja koma teto kaakumile usubi wae.

Eno i-yanae Yezebeli unoyo ali otakala vinjinji oomuwandela ira: ‘Nyo muli mwene ya Isaraeli. Eno munokoza panga iliyetene ineyo munafuna nyo. Ndinopanga vyowandeya ira mundole ukale weenyu.’ Yezebeli oolembela makalata andimuwa andimuwa amunzinda nowawandela ira kamunamedele Naboti ira unyoza Mulungu teto kamuphe vomuvocha mabwe. Andimuwa andimuwayo koopanga vyevyo. Vanduli viwa Yezebeli oomuwandela Ahabu ira: ‘Naboti ukhwa. Sopano mundole ngweenyu.’

Koma Yezebeli kaakede mupha Naboti eka. Liye oopha teto athu anjinji oochimwa anayo kamuomeliwana Yehova. Koma teto Yezebeli oolambela mafano teto oopanga vyongo vinjinji vyotakala. Yehova oona vyetene vyevi. Kodi liye apangile n’ni?

Ahabu angakhwile, mwanae Yehoramu, ookala mwene. Yehova ootumiza muthu m’moi-iwa zina lae Yehu ira adowe apeleke ilango wa Yezebeli na banja lae.

Yehu oogwela galeta nowambeela ulendo odowa wu Yezereeli wewo Yezebeli wakala liye. Anga-alile vang’ono fiya, Yehoramu oomuchingamela va galeta lae. Eno oomufuka ira: ‘Kodi Yehu unazela vya murendele?’ Yehu oosomeda ira: ‘Murendele unakalevo avi, vevo m’mawo Yezebeli unapanga liye vyongo vinjinji vyotakala? Yehoramu angavwile vyevi ootembenuza galeta lae nowambeela tawa.’ Koma Yehu oomulata moi akhwele vevo.

Vanduli viwa Yehu oodowa unyumba ya Yezebeli. Yezebeli angavwile ira Yehu unaaza, oovirii-eda nosakaeda sisi lae moi oodowa valuwindo dowa mudedi-edanga. Yehu angafiile, Yezebeli oomulonjela mwaibewe. Eno Yehu oowawandela achito a Yezebeli ira: “Muvokeni vati.” Aluwa koomuvoka Yezebeli zela valuwindo moi oogwela vati nokhwa.

Vingaireile eno Yehu oopha a-ima aalombwana 70 a Ahabu nomari-a lambela Baala muilambo yetene ineyo. Kodi muona ira Yehova unoiziwa vyetene teto vathawi yofwanelela unopeleka ilango wa athu anayo kanapanga vyotakala?