Yesu Oowelela Udimu

Yesu na ofunjedae koogumana wu Galileya. Wewo oowava-a lamulo lofuneya vinjinji loi: ‘Dowani mwafunji-e athu amuvilambo vyetene ira kakale ofunjedanga. Mwaafunji-e vyevyo ndaufunji-ileni miyo moi muwabatizenga.’ Vanduli viwa oowalonjeza ira: ‘Ndinoza ndikale limo-i na nyo.’

Yesu angavenyi-iwe ookala va ilambwela wa malambo 40 moi oonana na ofunjedae amo-i wu Galileya na wu Yelusalemu. Oowafunji-a vyongo vinjinji koma teto oopanga vyodabwi-a. Vanduli viwa oogumana na anamarumiwae ulendo ogomi-eda va Mwango wa Maolivi. Oowawandela ira: ‘Kamuvenyewo wu Yelusalemu. Mudedi-ede vyevyo Baba alonjezile liye.’

Anamarumiwae katavwechechile vyevyo Yesu atapulela liye. Moi koomufuka ira: ‘Kodi sopano munafuna mukale Mwene ya Isaraeli?’ Koma liye oowasomeda ira: ‘Thawi ya Mulungu yoi ndikale Mwene kinakwakwane. Munoza muwachele kopolo ya zimu moi munoza mukale mboni danga. Munoza mufunji-e athu wu Yelusalemu, wu Yudeya, wu Samariya mpakana umagomi-edo a ilambo yavati.’

Vanduli viwa Yesu oowambeela gwela udimu moi oobiseya na mirambo. Anamarumiwayo kakeda ing’anave udimu mpakana Yesu oobiseya.

Eno anamarumiwayo koovenyavo va Mwango wa Maolivi nodowa wu Yelusalemu. Thawi detene koogumana musubi lamudimu nopempelanga. Koodedi-a ira Yesu aava-e malangizo amo-iwa.