ULENDO OWELI-EDA
Vyo. 19:8-10
MURU 7
Panga Tindi
Likundo lilukulu: “Koopitiliza funji-a mwatindi koma teto koolengeza uthenga wapama.” — Vyo. 5:42.
Vyevyo Paulo Apangile Liye
1. Onelani VIDIYO, kapena welengani Vyoira 19:8-10. Era eno kambiranani mafuso o-arelala:
Kodi Paulo atonyi-edile avi tindi vofunji-a athu anayo katonyi-edile chidwi m’malo mofooka na athu anayo kamuruni-a?
Kodi Paulo adowile maulendo angasi dowa tandiza athu achidwala, nanga apangile vyevi wathawi yolapa moi avi?
Vyevyo Ninafunjeda Iyo Vaisazo ya Paulo
2. Vanafuneya thawi yokwakwanela koma teto tindi ira nipange maulendo oweli-eda koma teto ambeeli-a maphuzilo a Baibulo.
Vyevyo Munapangenyo Vomusazi-eda Paulo
3. Muwelelengawo vathawi ineyo un’na liye mpata. Vifukeni ira: Kodi malo koma teto thawi yapama vinjinji ineyo ndinamufwanye miyo inakale iivi? Kodi liye unaza afwanya mpata alini? Kalani okozeya welelawo ngakale ira thawiyo kai yapama wanyo.
4. Mupanganenga thawi yoi muze muwalede teto nawili. Vanduli va ulendo uliwetene, kambiranani thawi yeniyeni ineyo munazenyo muwalede teto nawili. Esaesani ira muze mugumane vathawi ineyo mwapanganilenyo.
5. Kamutatilenga murima mombaraanya. Kamutamangelenga ganiza ira ngati kanafwanyeya vande koma teto chifukwa yoi unotanganisiwa ndiye kuti kan’na chidwi. (1 Akor. 13: 4, 7) Ngakale vili eno, esaesanive muendela. Koma onechechani ira muno-indi-eda chito thawinyu mwazelu. — 1 Akor. 9:26.
ONANI TETO MALEMBA ALA
Vyo. 10:42; 1 Akor. 9:22, 23; 2 Akor. 4:1; Agal. 6:9