Leza Murima

Vyevyo Yesu Apangile Liye

VIDIYO: Yesu Oomutandiza Mchimwenae Moleza Murima

1. Onelani VIDIYO, kapena welengani Yohani 7 :3-5 koma teto 1 Akorinto 15:3, 4, 7. Era eno kambiranani mafuso o-arelala:

1. Kodi vowambeela achimwenae a Yesu kawachela avi uthengae?

2. Ninasimikizela avi ira Yesu kaafookile vevo amufunji-a liye mchimwenae Yakobo?

Vyevyo Ninafunjeda Iyo Vaisazo ya Yesu

2. Ninafuneya kala oleza murima chifukwa athu amo-i vinowalandela thawi indendai ira kawachele uthenga wapama.

Vyevyo Munapangenyo Vomusazi-eda Yesu

3. Mueselenga ndila dimo-i. Ngati muthu kanasomedela mombaraanya ira mufunjedenga na liye, kamumukanyi-ede. Ngati pivyowandeya, munokoza muoni-a mavidiyo kapena kambirana na liye khani da m’mabukwi-u vofuna mutandiza iziwa mwemo phuzilo la Baibulo munaireelaathu koma teto mwemo munapindulele liye.

4. Kamumuelekezelenga na muthu m’mo-i. Athu kano-iyana. Ngati bali-u kapena muthu unoyo namulaleelevo iyo thawi imo-iwa unazengeleza ira niambeele funjeda na liye, ganizelani ineyo inapangi-a vyevi. Kodi unokonda mwambo umo-iwene waipembezo? Kodi unonyoziwa na abalae kapena afwae? Muva-eni mpata oganizela vyevyo mumuwandelile nyo ira aone ekave upama o-arela makundo a m’Baibulo.

5. Mumupempelelenga. Muvepenga Yehova ira autandizeni kaana luso koma teto ira kamufooke. Muvepeni ira auva-eni zelu ira muwande zindikila ngati muthuyo kan’na chidwi ira mu-iye muendela. — 1 Akor. 9:26.