Kodi Munoumbuwela?
Kodi muwelenga mosamala maganizi a Sanja ya Olonda a chaka ila? Akala vili eno kashishani someda vyofuka vyo-arelavi:
Kodi chin’ni ineyo inanilimbikisa ira nimuva-enga Yehova ulemelelo?
Ninopanga vyevi chifukwa yoi ninomulemekeza koma teto ninomuomeliwana vinjinji moi ninofuna ira athu amo-iwa kamuiziwe. — w25.01, takuru 3.
Akala muthu m’mo-iwa uukumudwi-ileni, kodi munapange avi ira mumukululukele?
Kamunyalanyazenga mwemo munavwela nyo. Komave mwasakula ira kamupitilize lunduwa koma teto sunga yam’murimani, vinoukami-ani ira kamuviporeche.— w25.02, takuru 15-16.
Chifukwa n’ni Maliko ngu isazo yapama vinjinji wa azombwe?
Maliko oofunechecha tumikela athu amo-iwa. Ngakale ira ookumudwa chifukwa ya vyevyo vyamuireele, liye kaafookile. Oowambeela teto gwilizana vinjinji na Paulo koma teto abali amo-iwa olimba mwauzimu. — w25.04, takuru 27.
Kodi Yesu atapulela n’ni vevo apempelile liye ira: “Miyo ndipangi-a ira aluwa kaiziwe zina linyu”? (Yoh. 17:26)
Ofunjeda a Yesu kooiziwa wale zina la Mulungu. Koma Yesu oowakami-a iziwa vyevyo zina la Mulungu linatapulelaathu tanganiva-avo vyolinga vyae, vyoira vyae koma teto makalelwae. — w25.05, takuru 20-21.
Kodi viyevi-a unanikami-a zindikila likundo liivi?
Unonikami-a zindikila ira kaninaiziwa vyetene. Mwaisazo, kaninaiziwa dambo lelo mapeto kanazeathu kafiye, kapena mwemo Yehova munaze liye apangele vyongo vathawi ineyo. Kaninaiziwa teto ira mechelo unaireya vyoi avi koma teto kaninaiziwa pama mwemo Yehova munaniiziwela liye. — w25.06, takuru 15-18.
Kodi munapange avi ira mupindulenga mwawelenganga khani kapena mwavuruwananga khani ya etene?
Muvifukenga ira: ‘Kodi ka-indi-edile chito umboni uuvi vofuna afiya athu vamurima?’ ‘Kodi vikala fanizo lapama lelo ndinali-indi-ede miyo chito vofunji-a muthu m’mo-iwa likundo la choonadi?’ ‘Kodi ngu mbaani unoyo unapange chidwi na khanila? — w25.07, takuru 19.
Kodi ninafunjeda n’ni wa Yehova va khani yokululuka naona mwemo apangele liye vyongo na Davide?
Ngakale ira Davide oopanga machimo alukulualuku, angalapile kumela vati vamurima, Yehova oomukululukela. (1 Mam. 9:4, 5) Yehova anikululukela, kanaganizela vyotakala vyevyo napangile iyovyo kapena viumbuwela.—w25.08, takuru 17.
Kodi ninapange avi akala muthu unoyo ninafunjedana iyo Baibulo unavuteya vwechecha likundo limo-iliwa lene?
Akala unavuteya vwechecha likundo limo-iliwa lene, vanduli voi niesaesa mufunji-a pama vo-indieda chito Baibulo, ninokoza iya kambilana likundolo nayolinga yoi nikambilane thawi imo-iwa. — w25.09, takuru 24.
Baibulo linaonga ira uchimo chi “chinyengo yakoplo.” (Aheb. 3:13) Chifukwa n’ni vili eno?
Uchimo unopangi-a ira nikopeenga panga vyongo vyotakala. Unokoza teto nipusi-a ira thawi detene nikaikelenga vyoi Yehova unoniomeliwana. — w25.10, takuru 16.
Kodi pivyongo viralu viivi vyevyo vinanikami-e ira mapempelwi-u kakalenga okumela vati vamurima?
(1) Niganizelenga makalelo a Yehova. (2) Niganizelenga vuto lelo ninalimbanana iyo noliromola m’pempelo, mwaisazo akala vali muthu m’mo-iwene unoyo ninafuna iyo mukululukela. (3) Mupempelenga wa thawi yolapa. Vyevi vinoza viuva-eni mwai omuwandela Yehova vyevyo munaganiza nyo koma teto mwemo munavwela nyo. — w25.10, takuru 19-20.
Kodi ninapange avi ira niakami-e athu okalamba?
Niayamikelenga koma teto aimbela foni. ninokoza teto aveleela uchipatala kapena pangela limo-i maulaliki o-iyana-iyana. — w25.11, takuru 6-7.
Kodi pivyongo viivi vyevyo vinapangi-a ira ukwati wa Ikristu ukale olemekezeya?
Arela malamulo aboma okuza ukwati. Onechecha ira vamwambo koma teto vapwando laukwati athu kanotonyi-eda makalelo anayo ninakaana iyo mokami-iwa na zimu owela. Pewa wara movioni-eda koma teto pewa miyambo doogwilizana na makundo a m’Baibulo. Ongi-ana momasuwa koma teto mwaulemu mwakambilananga mapulani okuza ukwati. — w25.12, takuru 21-24.