UBUMI BWITU UBWA CHIKILISITU
U Yehova Akutwavwa mu Ntamyo Zyitu
Mu masiku aghabumalilo agha tukukomana ni ntamyo izyakulekana-lekana. Akabalilo kamo, tunginong’ona ukuti intamyo izi zyabala nkani sona tutangazipota. Loli nanti tukupalamila kwa Yehova, inti atwavwe ukuti tujimbe mu ntamyo napo zingaba zikulu nkani. (Yes 43.2, 4) Ka tungapalamila buli-buli kwa Yehova napo twakomana ni ntamyo?
Ulwiputo. Pala tukumulaba u Yehova, akutupa umutende na maka ukuti tujimbe muntamyo.—Filp. 4.6, 7; 1 Tes. 5.17.
Inkomano. Umwakongelezyapo, u Yehova akutupa ichakulya ichabuzimu ukwendela mu nkomano. (Heb 10.24, 25) Umuzimu wa Yehova ghungatwavwa nanti tukwisengannya, tukwaghiwapo nu kwamulapo pa nkomano.—Ubv. 2.29.
Ubulumbilili. Nanti tungabomba chilichosi cho tungakwanisya pa mbombo iyakulumbilila, inti twennye ukuti imbombo iyi te yakulitisya. Sona nanti tukubomba bunubu, inti tughomye ubumanyani bwitu nu Yehova sona Abakilisitu abamwitu.—1 Kol. 3.5-10.
ENELEZYA IVIDIYO IYA MUTU WAKUTI YEHOVA WAKUTOLENGE, NU KWAMULA AMALALUSYO GHO GHALI MUNTENDE UMU:
Choni cho chikamwavwa u Malu, ukuti apalamile kwa Yehova pakabalilo ko akakomanagha ni ntamyo?
Ngati we Malu, ka amazyu gho ghali pa Salimo 34.18 ghangatusangalusya buli-buli pakabalilo ko tuli mu ntamyo?
Nkimba intamyo zyo u Malu akakomana nazyo zikulangizya buli-buli ukuti u Yehova angatupa ‘amaka aghakulu’ aghakupotela intamyo?—2 Kol. 4.7